Qaraǵandy oblysynyń Shet aýdanynda alǵash ret trassalarda jumys isteýge arnalǵan arnaıy reanımobıl paıdalanýǵa berildi. Qutqarý qyzmetiniń jańa kóligi Tótenshe jaǵdaılar mınıstrliginiń jol-medısınalyq-qutqarý qyzmetiniń qaramaǵyna berilip, jol-kólik oqıǵalary men ózge de tótenshe jaǵdaılar kezinde tikeleı avtojoldarǵa shyǵady, dep habarlaıdy Egemen.kz.
Jańa reanımobıldiń basty mindeti – zardap shekkenderge eń alǵashqy, sheshýshi mınýttarda shuǵyl medısınalyq kómek kórsetý. Arnaıy avtokólik zamanaýı medısınalyq qural-jabdyqtarmen tolyq qamtylǵan, bul oqıǵa ornynda reanımasııalyq sharalar júrgizýge, naýqastyń jaǵdaıyn turaqtandyrýǵa jáne ony jedel járdem brıgadalaryna nemese medısınalyq mekemelerge jetkizýge múmkindik beredi.
Sonymen qatar trassa boıyndaǵy jol-medısınalyq-qutqarý beketine ózdiginen júgingen júrgizýshiler men jolaýshylar da qajetti kómekti ala alady.
Mundaı reanımobıldiń iske qosylýy avtojoldarda medısınalyq kómekti qamtamasyz etip, adam ómirin saqtap qalý múmkindigin arttyrady.