Jartylaı orta salmaqtaǵy UFC-diń eks-chempıony Djek Della Maddalena Shavhat Rahmonovpen aıqasqysy keletinin málimdedi, dep habarlaıdy Egemen.kz.
29 jastaǵy Aýstralııa sportshysynyń aralas jekpe-jekti serik etkeli týra 10 jyl boldy. Sol aralyqta 21 kezdesý ótkizgen ol 19 márte jeńiske jetti.
14 kezdesýdi merziminen buryn aıaqtady. Djek sporttyq karerasyn bastaǵan bette eki ret jeńilgen. Odan keıin toǵyz jyldan asa ýaqyt boıy eshkimge des bermedi. Biraq byltyr qarasha aıynyń bel ortasynda reseılik Islam Mahachevten utylyp, chempıondyq belbeýinen aıyryldy. Bul kúnderi Maddalena UFC reıtınginde birinshi orynda tur.
Al áli eshkimnen jeńilmegen Shavhat Rahmonov sol tizimde ekinshi satyǵa jaıǵasty. 31 jastaǵy qandasymyz 19 jekpe-jektiń barlyǵynda jeńiske jetip, 18 aıqasty merziminen buryn aıaqtady.