Jyl toǵysyndaǵy qonystoı

Oblys ákimi Nurlybek Nálibaev jyl almasar shaqtaǵy jańa­lyq­tarǵa, qurylys, onyń ishin­de turǵyn úı qurylysy salasyndaǵy kórsetkishterge toqtalyp, jańa páter ıelerin quttyqtady.

– О́tip bara jatqan jyl elimiz úshin de, óńirimiz úshin de birlik pen bere­ke­niń, turaqtylyq pen tatýlyqtyń, jasampazdyq pen jarqyn isterdiń jyly boldy. Aımaq negizgi makroekonomıkalyq kórsetkishter boıynsha respýblıkada alǵashqy oryndardan kórindi. Jalpy, óńirlik ónim kólemi jyl qorytyndysynda 3 trln 700 mlrd teńgege jetip, 6,5%-dyq ósim qamtamasyz etildi. Oblys bıýdjeti 851 mlrd 300 mln teńgege jetip, 2021 jyldan beri 246%-ǵa ósti. Onyń 56%-y áleýmettik salaǵa baǵyttalyp otyr. Damý bıýdjetiniń kólemi bıyl 207 mlrd teńge­ge jetip, 2021 jylmen salystyrǵan­da 4,4 esege artty. О́ńirimizde qolaıly ınves­tısııalyq klımat qalyptasyp, jańa iri ınvestısııalyq jobalar júzege asyp keledi. Turǵyndardyń ómir súrý sapasyn jaqsartý maqsatynda baspanamen qamtý, ınfraqurylymdy qaıta jańǵyrtýǵa qatysty qajetti sharalar qabyldandy. Aımaqta 3 jyl ishinde 200-ge jýyq áleý­mettik nysan salynýy osy sózimizdiń dáleli. Uzaq jyl páter kezegin kútken sizder de búgin memleket qoldaýymen bas­panaǵa qol jetkizip otyrsyzdar. Qonys­taryńyz qutty bolsyn, – dedi N.Nálibaev.

Byltyrdan beri qalada zamanaýı jańa dızaınmen jeti, toǵyz, on eki qabatty turǵyn úıler boı kóterip keledi. Jyl toǵysynda qoldanysqa berilip otyrǵan myna úı de tirshiligi kúnnen-kúnge jandanyp kele jatqan sol jaǵalaýdaǵy kórikti ǵımarattardyń biri.

Jalpy keıingi jyldary turǵyn úı kezeginde turǵan azamattarǵa 5 myńnan asa páter tabystaldy. Keıingi úsh jylda alǵash ret barlyq aýdanda 1 800-ge jýyq jańa páter el ıgiligine berildi. Bıyl 3 600 páterlik turǵyn úı salýǵa bıýdjet­ten 58 mlrd 785 mln teńge bólinip otyr.

QYZYLORDA