Ǵalymdar adam aǵzasyndaǵy árbir músheniń qartaıý deńgeıin jeke-jeke baǵalaýǵa múmkindik beretin jańa júıe oılap tapty.
Bul júıe tek jalpy organızmniń jasyn emes, ár organnyń «bıologııalyq jasyn» anyqtaýǵa baǵyttalǵan. Zertteý barysynda 13 túrli organ men júıe qarastyryldy, onyń ishinde mı qyzmeti de bar. Ereksheligi – burynǵy ádisterde tek búkil deneniń qartaıýyn orta eseppen anyqtasa, jańa tásil ár múshege tán júzdegen gendi zerttep, olardyń qartaıý zańdylyqtaryn jeke-jeke esepteıdi.