О́tken túni Almaty qalasyndaǵy Soltústik aınalym tasjolynda ornalasqan qoımadan iri órt shyqty. Birinshi órt sóndirý jasaqtary kelgende qoımanyń ashyq jalynmen janyp jatqany anyqtalǵan, dep jazady Egemen.kz.
1900 sharshy metr alańdy sharpyǵan órtti sóndirýge 85 adamnan turatyn jeke quram men 22 birlik tehnıka jumyldyrylǵan.
Oqıǵa ornynda 3 jaýyngerlik ýchaske uıymdastyrylyp, qyzyl jalyndy aýyzdyqtaýǵa TJM avtopoıyzy da tartylǵan.
Ǵımarattyń qurylys ereksheligine baılanysty órt jyldam taraǵan.
Túngi saǵat 2:15 shamasynda órt sóndirýshilerdiń úılesimdi áreketiniń arqasynda órt sóndirilip, janyndaǵy nysandarǵa taralmaǵan.
TJM órtten zardap shekkender týraly aqparat túspegenin málimdep otyr.
Buǵan deıin Atyraý oblysynda 2 kólik órtenip, 60 jastaǵy jolaýshy qaza tapqanyn habarlaǵanbyz.
Al jańa jyl túni Shveısarııanyń ońtústigindegi taý-shańǵy kýrortynda iri órt bolyp, ondaǵan adam mert bolǵan.