Qurlyqtyq hokkeı lıgasynyń (QHL) bıylǵy maýsymy bastalǵaly beri jeńilisten bas kótermegen «Barys» 2025 jyldyń sońǵy týrynda jeńiske jetken edi, dep habarlaıdy Egemen.kz.
Byltyrǵy jyldyń sońǵy týr oıynyn astanalyqtar Ombyda jergilikti «Avangardqa» qarsy ótkizdi. Olar óte qaýipti qarsylas. Qazirgi kezde «Avangard» turaqty birinshiliktiń jarys kestesinde altynshy orynda tur. Salystarmaly túrde alsaq, «Barys» 18-oryndy qanaǵat tutyp otyr. Bizden keıin tek «Sıbır», «Admıral», «Sochı» jáne «Lada». Atalǵan matchta alǵashqy eki shaıbany 13 mınýtta Vsevoloda Logvın men 23 mınýtta Álıhan Ásetov soqty. 27 mınýtta ombylyqtar esep aıyrmashylyǵyn qysqartty. 36-mınýtta Kırıll Panıýkov «Barystyń» basymdyǵyn arttyra tústi. 52-mınýtta «Avangard» taǵy bir gol soqty. Al kezdesýdiń sońǵy núktesin sońǵy sekýndtarda Meıson Morellı qoıdy. Esep – 2:4.
Osy jarqyn jeńisten keıin biz «Barys» endi keńinen kósilip, jarys kestesindegi jaǵdaıyn túzeıtin shyǵar dep úmittendik. Biraq bunymyz beker eken. Keshe olar Tómengi Novgorodqa sapar shegip, jergilikti «Torpedomen» kúsh synasty. Báseke barysynda jerlesterimiz eki ret alǵa shyqqanymen, eki retinde de aıdyn ıeleri tarazy basyn teńestirip ketti. Aqyrynda olar 3:2 esebimen jeńiske jetti. Jeńis shaıbasyn kezdesýdiń aıaqtalýyna jarty mınýttaı ýaqyt qalǵanda Ámir Garaev soqty.