Memleket basshysynyń tapsyrmasy boıynsha Densaýlyq saqtaý mınıstrligi em alýshyǵa baǵdarlanǵan, medısınalyq kómektiń qoljetimdiligi men sapasyn arttyrýǵa baǵyttalǵan salany jańǵyrtý jáne damytý jónindegi is-sharalar keshenin júzege asyryp jatyr. Bul týraly Densaýlyq saqtaý birinshi vıse-mınıstri Tımýr Sultanǵazıev málimdedi, dep jazady Egemen.kz.
Onyń aıtýynsha, Prezıdent tarapynan dáıekti qoldaýdyń arqasynda densaýlyq saqtaý salasyna jumsalatyn memlekettik shyǵyndar sońǵy jyldary úsh esege jýyq ósip, 2025 jyly 3 trln teńgege jetken. Bul medısınalyq kómektiń kólemin edáýir keńeıtýge, ınfraqurylymdy aýqymdy túrde jańǵyrtýǵa jáne medısınalyq uıymdardyń materıaldyq-tehnıkalyq bazasyn jańartýǵa múmkindik berdi.
Máselen, respýblıkalyq mańyzy bar Ulttyq onkologııa ortalyǵy, Astanadaǵy shuǵyl medısına ortalyǵy, sondaı-aq Almatydaǵy Ulttyq juqpaly aýrýlar ortalyǵy syndy negizgi nysandar paıdalanýǵa berildi.
«Memleket basshysynyń tapsyrmasy boıynsha júzege asyp jatqan aýyldaǵy densaýlyq saqtaý salasyn jańǵyrtý jónindegi aýqymdy joba aıaqtalyp keledi. Qazirdiń ózinde aýyldyq jerlerde 650-den astam medısınalyq nysan paıdalanýǵa berildi. Bul qala men aýyl arasyndaǵy alshaqtyqty edáýir azaıtty», dedi Tımýr Sultanǵazıev. «12 jylǵa deıin qamaý»: Qazaqstanda medısına qyzmetkerlerine shabýyl jasaǵandarǵa jaza bekitildi Uzaq ýaqyttan beri alǵash ret tarıftik saıasat qaıta qaraldy. Bosandyrý jáne pedıatrııa tarıfteri kóterildi, aýrýlardyń aldyn alýǵa, erte dıagnostıkalaýǵa jáne medısınalyq qyzmetterdiń sapasyn arttyrýǵa basa nazar aýdarylyp otyr. Klınıkalyq baǵyttarda eleýli oń kórsetkishter baıqalyp, ana men balanyń densaýlyǵyn saqtaý júıesi nyǵaıǵan. Onkologııalyq qyzmet belsendi damyp keledi, buryn negizinen shetelde qoljetimdi bolyp kelgen joǵary dáldiktegi emdeý ádisteri engizilip jatyr. Dárilik saıasatqa degen jańasha kózqaras dári-dármekpen qamtamasyz etýdiń turaqtylyǵyn arttyryp, bıýdjet qarajatyn aıtarlyqtaı únemdeýge múmkindik berdi. Memleket basshysynyń Qazaqstan halqyna Joldaýynda belgilep bergen strategııalyq basymdyq retinde sıfrlandyrýǵa erekshe nazar aýdarylady. «Salada «eDensaulyq» ekojúıesi qalyptasyp keledi, dárigerdi qoldaý jáne medısınalyq kómektiń sapasyn arttyrý quraly retinde jasandy ıntellekt negizindegi sheshimder engizilip jatyr», dedi birinshi vıse-mınıstr.Sonymen qatar Parlament Memleket basshysynyń tapsyrmasy boıynsha ázirlengen medısına qyzmetkerlerin qorǵaý týraly zańnamaǵa engizilgen túzetýlerdi maquldady. Qyzmettik mindetterin atqarý kezinde medısına qyzmetkerleri men jedel járdem júrgizýshilerine qatysty jasalǵan zorlyq-zombylyq úshin jeke qylmystyq jaýapkershilik engizilip jatyr. Sondaı-aq dárigerlerdiń kásibı jaýapkershiligin saqtandyrý tetigi iske qosyldy. Áleýmettik qoldaý sharalarynyń arqasynda dáriger tapshylyǵy – 19%-ǵa, orta medısınalyq personal jetispeýshiligi – 7%-ǵa, aýyldyq jerlerde kadrǵa suranys –16%-ǵa tómendedi.
Medısına mekemeleri qurylysyna qarjy bólindi
«2026 jyldan bastap ınfeksııalyq qyzmetter men jedel medısınalyq járdem qyzmetkerleriniń jalaqysyn arttyrý qarastyrylǵan. Al dárigerlerge qatysty zorlyq-zombylyq úshin jaýapkershilik kúsheıtiledi. Saqtandyrý modeline kóshýdi, halyqty qamtý kólemin keńeıtýdi jáne medısınalyq qyzmetter sapasyn memlekettik baqylaýdy qalpyna keltirýdi kózdeıtin Mindetti áleýmettik medısınalyq saqtandyrý júıesin jetildirý jónindegi zań qabyldandy», dedi T. Sultanǵazıev.Salany damytýdyń strategııalyq basymdyqtary aıqyndalyp, Densaýlyq saqtaýdy damytýdyń 2029 jylǵa deıingi tujyrymdamasy jáne Medısınalyq kómektiń sapasyn basqarýdyń keshendi jospary ázirlendi.
2026 jyldan bastap jumyssyz azamattar MÁMS arqyly tegin medısınalyq kómek alady
Birinshi vıse-mınıstr atap ótken is-sharalardyń arqasynda halyqtyń boljamdy ómir súrý uzaqtyǵy 75,8 jyldy qurap, ólim-jitim kórsetkishteri tómendep keledi. Jalpy ólim-jitim – 2,6%-ǵa, náreste ólimi – 18%-ǵa qysqardy.