Aýstralııanyń Brısben qalasynda tennısten WTA 500 týrnıri jalǵasyp jatyr. Keshe jáne búgin shırek fınalǵa shyqqan oıynshylar belgili boldy, dep habarlaıdy Egemen.kz.
Qazaqstannyń eń úzdik tennısshisi Elena Rybakına búgin tań ata ıspanııalyq Paýla Badosamen kúsh synasty. Kezinde álemniń ekinshi raketkasy bolǵan Pıreneı túbeginiń ókili jerlesimizge jarytyp qarsylyq kórsete almady. 1 saǵat 26 mınýtqa sozylǵan saıys 6:3, 6:2 esebimen aıaqtaldy. Onyń aldynda Rybakına qytaılyq Chjan Shýaıǵa 6:3, 7:5 esebimen shań qaptyrǵan edi. Endi jerlesimiz chehııalyq Karolına Mýhova men reseılik Ekaterına Aleksandrova arasyndaǵy kezdesýdiń jeńimpazymen sheberlik baıqasady.
Elena Rybakınanyń WTA 500 týrnırindegi qarsylastary belgili boldy
Juptyq básekede Anna Danılına tabysty óner kórsetip jatyr. Ol serbııalyq Aleksandra Krýnıchpen birge amerıkalyq Dezıra Kravchık jáne Sofıa Kenındi, reseılik Ekaterına Aleksandrova men Mırra Andreevany jolynan yǵystyryp, jartylaı fınalda Ispanııa men Aýstralııanyń ókilderi Krıstına Býksha men Ellen Perespen kezdesedi.
Elena Rybakına Olımpıada chempıonyn jeńdi