PETROPAVL. 24 aqpan. Soltústik Qazaqstan oblystyq ishki ister departamentine qarasty gospıtaldyń bas dárigeri Aleksandr Petrov qyzmet babyn asyra paıdalanǵany úshin 5 jylǵa shartty túrde bas bostandyǵynan aıryldy. Bul týraly egemen.kz tilshisi habarlady.
Vedomstvolyq klınıkanyń basshysy qaramaǵyndaǵy qyzmetkerlerge syıaqy jazyp, onyń bir bóligin ózine alyp otyrǵan. Onyń zańsyz áreketterin oblystyq prokýratýranyń qyzmetkerleri anyqtaǵan.
Burynǵy bas dáriger alaıaqtyq qylyqtaryn birneshe márte qaıtalap, bir izben júzege asyryp otyrǵan. Atap aıtqanda, keıbir qyzmetkerlerge aýyzsha, keıbir qyzmetkerlerdi kabınetine shaqyrý arqyly pármen berip, «syıaqylardy» qaltasyna salyp otyrǵan. Máselen, 2013 jyldyń qorytyndysy boıynsha qyzmetkerlerge taǵaıyndalǵan syıaqynyń 288 myń teńgesin, Naýryz merekesi qarsynda berilgen syıaqynyń 287 myń teńgesin jambasyna basqan. Sóıtip, jarty mıllıon teńgeden astam qarajatty bas paıdasyna jaratqan.
Sotta kúdikti qylmysyn moıyndamaǵanymen, kinási tolyq dáleldendi. Qyzmet ókilettigin asyra paıdalanǵany úshin shartty túrde 5 jylǵa abaqtyǵa kesildi. Memlekettik organdardaǵy basshylyq qyzmetten 5 bes jylǵa deıin alastatyldy.
О́mir Esqalı.
Derek: egemen.kz.
Sýret: i-news.kz.