Megapolıste 1 aı buryn dúnıege kelgen úshem 6 qańtar kúni úıine shyǵaryldy. Náresteler Shymkenttegi qalalyq perzenthanada 39 kún boıy patologııa bóliminde em qabyldaǵan, dep jazady Egemen.kz.
Aıgerim esimdi qala turǵyny 2025 jylǵy 28 qarasha kúni kesir tiligi kómegimen bosanǵan. Salmaqtary 1300 – 1500 gramm aralyǵynda bolǵan náresteler alǵashqy táýlikte qalalyq perzenthanadaǵy jansaqtaý bóliminde dárigerlerdiń baqylaýynda bolǵan.
Al 5 qańtar kúngi jaǵdaı boıynsha sábıler 2300 gramǵa deıin salmaq qosqan. Qalalyq perzenthana mamandary qazirgi tańda náresteler men ananyń jaǵdaıyn turaqty dep baǵalap otyr. Ýaqtyly kórsetilgen medısınalyq kómektiń nátıjesinde úshem ómirge sátti beıimdelip, qalypty damyp keledi.Aıta keteıik, 2025 jyly Shymkent qalasynda 27 457 sábı dúnıege keldi. Onyń ishinde 286 egiz jáne 5 úshem bar.
Buǵan deıin Aqtóbe, Qyzylorda oblystarynda úshem dúnıege kelgenin habarlaǵanbyz.
Al Almatynyń týǵan kúninde 69 sábı jáne úshem dúnıege kelgen edi.