2025 jyldyń kúzinen beri Atyraý oblysy Qyzylqoǵa aýdanyna qarasty Jangeldın aýylynan shyqqan bir otbasynyń joǵalyp ketkeni habarlanyp, quzyrly organdar izdeý jarııalaǵan edi. 6 qańtar kúni erli-zaıypty Maqsot Qarabalın men Násip О́teshqalıevanyń máıiti óz aýlalaryndaǵy saraıdyń ishinen tabyldy, dep jazady Egemen.kz.
Polısııa málimetinshe, otbasynyń joǵalǵany týraly aryzdy úı ıesiniń qaryndasy bergen. Ol 25 jeltoqsan kúni quqyq qorǵaý organdaryna kelip, týystarynyń bir aıdan astam ýaqyt boıy baılanysqa shyqpaǵanyn jáne turǵylyqty jerinde joq ekenin málimdegen.
Sol ýaqyttan beri izdestirilip jatqan tórt adamnyń ekeýiniń máıiti tabyldy.
Marqumdardy jaqyndary men týystary, aýyl turǵyndary aqtyq saparǵa shyǵaryp saldy.
Búginde kúdikti anyqtalyp, qalǵan eki turǵyndy izdeý jumystary jalǵasyp jatyr.