AQSh prezıdentiniń on segiz jastaǵy nemeresi Kaı Tramp Poldyń 76 mln jazylýshysy bar mega-ınflıýenser Logan Impaulsive podkastynda jeke ómiri men kúzetshilerine baılanysty kezdesetin qıyndyqtary týraly aıtyp berdi, dep jazady Egemen.kz.
Kaıdyń sózinshe, jeke kúzet árdaıym janynda júredi, al mundaı tártipke beıimdelý birden ońaıǵa soqpaǵan.
«Bul rasynda qıyn. Kúzetshiler paıda bolǵan sátten bastap ómir yrǵaǵy kúrt ózgergendeı boldy. Dostarmen, qyzdarmen erkin otyryp áńgimelesip otyrǵanda, artyńda bir metr jerde iri deneli adam turǵany ózińdi jaısyz sezindiredi», deıdi ol.
Kaı jeke ómir taqyrybyn da aınalyp ótpedi. Onyń aıtýynsha, kezdesýge shyqqanda kúzetshiniń jaqyn mańda otyrýy erekshe qolaısyzdyq týdyrady.
«Ashyǵyn aıtsam, eger ol senen eki ústel áride otyryp baqylap otyrsa, ózińdi erkin seziný qıyn. Degenmen, oǵan asa mán bermeýge tyrysamyn», dedi ol.
Sonymen qatar Kaı Tramp ázirge otbasy qurýdy josparlamaıtynyn jetkizdi. Qazirgi basty maqsaty − sporttaǵy jolyn jalǵastyrý, ásirese golfqa den qoıý. Kásibı mansabyndaǵy alǵashqy qadamy sátti bolmaǵanymen, ol bul baǵytta damýyn toqtatpaıdy.