8 qańtarda Qazaqstan qor bırjasyndaǵy (KASE) kúndizgi saýda qorytyndysy boıynsha dollardyń ortasha ólshengen baǵamy 508,91 teńgeni qurady. Bul aldyńǵy kórsetkishten 3,19 teńgege tómen. Aıta keteıik, Ulttyq banktiń 8 qańtarǵa belgilegen resmı baǵamy – 1 dollar úshin 512,83 teńge, dep habarlaıdy Egemen.kz.
Kurs.kz derekterine sáıkes, qazirgi ýaqytta Astana, Almaty qalalaryndaǵy aıyrbastaý oryndaryndaǵy dollardyń ortasha baǵamy tómendegideı:
Almaty
- satyp alý – 512,39 teńge;
- satý – 515,60 teńge.
Astana
- satyp alý – orta eseppen 509,00 teńge;
- satý – 516,00 teńge.
Eske salaıyq, 2025 jylǵy 28 qarashada Ulttyq bank bazalyq mólsherleme boıynsha sheshim qabyldap, ony 18 % deńgeıinde saqtaǵan bolatyn. Osy sheshimnen keıin saýda-sattyq barysynda dollar baǵamy aıtarlyqtaı tómendedi.
О́z kezeginde Ulttyq bank tóraǵasy Tımýr Súleımenov teńgeniń ne sebepti nyǵaıyp jatqanyn túsindirdi. Onyń aıtýynsha, bul ishki naryqtaǵy belsendilik pen bazalyq mólsherleme 18 paıyzǵa kóterilgennen keıin iri portfeldik ınvestısııalardyń kelýimen baılanysty.
Dollardyń qunsyzdanýy naryqtaǵy baǵaǵa qalaı áser etti?
Buǵan deıin teńge baǵamyna qatysty Ulttyq banktiń málimdemecine sáıkes, 2025 jyldyń jeltoqsan aıynyń qorytyndysy boıynsha teńge baǵamy 1,3 paıyzǵa nyǵaıyp, 1 dollar úshin 505,73 teńgeni qurady.
Teńge kún sanap kúsheıip keledi: Sebebi nede?
Jalpy 2025 jyldyń qorytyndysy boıynsha teńge 3,7 paıyzǵa nyǵaıyp, dollar baǵamy 525,10 teńgeden 505,73 teńgege deıin tómendegen.