Qysqy kanıkýl kúnderinde kámeletke tolmaǵandar arasynda quqyq buzýshylyqtyń aldyn alý maqsatynda ótkizilgen reıdter barysynda Aqtóbe oblysynda túngi ýaqytta baqylaýsyz júrgen 191 jasóspirim polısııa bólimderine jetkizildi. Sonyń ishinde birneshe qaıtara tártip buzǵan 27 kámeletke tolmaǵan jastyń ata-analary ákimshilik jaýapkershilikke tartyldy, dep habarlaıdy Egemen.kz.
Balalaryn baqylaýsyz jibergen ata-analarymen qosa, beımezgil ýaqytta jasóspirimderdi oıyn-saýyq oryndaryna kirgizgen mekemeniń ıesine de iri kólemde aıyppul salyndy. Polısııa qyzmetkerleri balalar men olardyń ata-analaryna sabaq bastalǵan kúnnen bastap jol qaýipsizdigi erejeleri men qoǵamdyq tártipti saqtaý erejelerin túsindirip, mektepter mańynda, jaıaý júrginshiler ótkelderinde jáne kólik qozǵalysy kóp kósheler men qaýipti burylystarda tańerteńgilik, túste jáne keshki ýaqytta kezekshilikke shyqty.
Eske salaıyq, buǵan deıin kanıkýl kezinde quqyq buzǵan 126 batysqazaqstandyq bala týraly jazǵanbyz.