ASTANA. 24 aqpan. Premer-Mınıstr Kárim Másimov bastaǵan qazaqstandyq delegasııanyń quramynda Ulybrıtanııaǵa sapary sheńberinde Bas prokýror Ashat Daýylbaev Dúnıejúzilik quqyqtyq sammıt jumysyna qatysty. Bul týraly Bas prokýratýranyń baspasóz qyzmeti habarlady.
Forýmdy erkin ekonomıka men quqyqtyq ústemdikti jyljytý maqsatynda qurylǵan Magna Karta – Uly erkindik hartııasynyń 800 jyldyǵyn merekeleý qurmetine brıtandyq bılik uıymdastyrǵan bolatyn.
Forým jumysyna búkil álemniń memlekettik jáne bıznes qurylymdarynyń, úkimettik emes uıymdar men akademııalyq ortanyń 2 myńǵa jýyq ókili qatysty. Zańnyń ústemdik qurýy, sot tóreligine qoljetimdilik, turaqty damý, bıznes salasyndaǵy halyqaralyq daýlar, bıznes jáne adam quqyqtary jáne t.b. máseleler kún tártibiniń negizgi taqyryptary boldy.
Forýmnyń ashylý saltanatynda Kárim Másimov, AQSh-tyń Bas prokýrory Erık Holder, Ulybrıtanııa Ádilet mınıstri jáne Lord-kansleri Krıs Greılıng, Ekonomıkalyq yntymaqtastyq jáne damý uıymynyń Bas hatshysy Anhel Gýrrııa sóz sóıledi.
Otyrysqa qatysýshylarǵa aldaǵy onjyldyqta quqyqtyń ústemdik qurýyn aıqyndaýǵa yqpal etetin tehnologııalar men sheshimder, ekonomıkalyq qyzmet pen halyqaralyq saýda negizinde zańnyń ústemdik qurýy, kez kelgen gúldengen jáne salaýatty qoǵamda asa mańyzdy mánge ıe bolatyn zań kúshin qoldaný týraly, sonymen qatar olardyń negizin quraıtyn halyqaralyq saýda men zań salasyndaǵy ǵalamdyq úrdister týraly túrli prezentasııalar kórsetildi.
Sammıt barysynda A.Daýylbaev sheteldik áriptesterimen – AQSh, Kanada, Rýmynııa, Túrkııa, Oman, BAÁ ádilet mınıstrlerimen jáne bas prokýrorlarymen qylmystyq-quqyqtyq saladaǵy ózekti máseleler boıynsha ekijaqty kezdesýler ótkizdi.
AQSh-tyń Bas prokýrory E.Holdermen kezdesýi barysynda taraptar bir-birin qylmystyq ister boıynsha ózara quqyqtyq kómek týraly sharttyń qol qoıylýymen quttyqtady, sondaı-aq quqyqtyq saladaǵy mańyzdy suraqtardy talqylady.
Londonǵa sapary sheńberinde Ashat Daýylbaevtyń Ulybrıtanııanyń Alaıaqtyq qylmystarǵa qarsy is-áreketter keńsesiniń Dırektory Devıd Grınmen kezdesýi ótti.
Kezdesý barysynda ózara múddelilik týǵyzatyn máseleler, onyń qatarynda prokýratýranyń quqyq qorǵaý qyzmeti, transulttyq uıymdasqan qylmys, qylmystyq jolmen alynǵan tabystardy jylystatýǵa qarsy turý boıynsha yntymaqtastyq jasaý, sonymen qatar Qazaqstannyń qylmystyq ister boıynsha halyqaralyq quqyqtyq yntymaqtastyq máseleleri jónindegi Eýropa Keńesiniń konvensııalaryna qosylýy, ekijaqty sharttyq-quqyqtyq negizdi keńeıtý jáne nyǵaıtý máseleleri talqylandy.
Taraptar terrorızmge qarsy is-qımyl, ulttyq jáne halyqaralyq qaýipsizdikti qamtamasyz etý, jedel aqparatpen jáne jumys tájirıbesimen almasýdyń sheńberinde kúsh biriktirýdiń erekshe ózektiligine toqtalyp, eki eldiń arasyndaǵy quqyqtyq yntymaqtastyqtyń aıtarlyqtaı áleýeti bar ekenin atap kórsetti.
A.Daýylbaev ekijaqty qarym-qatynasty nyǵaıtýdyń, uıymdasqan qylmysqa qarsy kúreste aqparat jáne jumys tájirıbesin almasýdyń ózektiligin atap ótti. Ekonomıkalyq qylmystardy, alaıaqtyqty, qylmystyq jolmen tabylǵan qarajatty jylystatý jáne olardy qaıtarýǵa qatysty ekonomıkalyq qylmystardy anyqtaý jáne tergeý problemalaryna erekshe nazar aýdaryldy.
Taraptar qazirgi zamannyń qaýip-qaterlerine tıimdi túrde tosqaýyl qoıý, qylmyspen kúrestiń aımaqtyq máselelerin sheshýdiń ortaq tásilderin ázirleý úshin eki eldiń quziretti organdary arasyndaǵy ózara is-qımyldy odan ári nyǵaıtýǵa múddelilik tanytty.
Joldybaı Bazar.
Derek, sýret: Bas prokýratýranyń baspasóz qyzmeti.