Jetisý oblysynyń qylmystyq ister jónindegi mamandandyrylǵan aýdanaralyq sotynda QK-niń 99-babynyń 1-bóligimen (adam óltirý) aıyp taǵylǵan J.-ǵa qatysty qylmystyq is qaraldy, dep habarlaıdy Egemen.kz.
Sot ne anyqtady?
Atalǵan aýdanaralyq sottyń málimetinshe 2025 jylǵy 22 maýsymda saǵat 00:00 shamasynda J. alkogoldik masań kúıde bola otyryp, jábirlenýshi D.-ny úı aýlasynan qaqpa syrtyna shyǵaryp, onyń ómirlik mańyzdy múshelerine birneshe ret soqqy jasaǵan. Alynǵan jaraqattardyń saldarynan jábirlenýshi keıinnen aýrýhanada qaıtys bolǵan.
Sottalýshynyń kinási saraptamalar qorytyndylarymen, kýálardyń aıǵaqtarymen, tergeý áreketteriniń hattamalarymen jáne is materıaldaryndaǵy ózge de dáleldemelermen tolyq dáleldendi. Sot qandaı jaza taǵaıyndady?
Qylmystyq-prosestik kodekstiń 340-babynyń 1-bóligine sáıkes, basty sot talqylaýy J.-ǵa taǵylǵan aıyptaý sheginde júrgizildi. QK-niń 99-babynyń 1-bóliginiń sanksııasy 8 jyldan 15 jylǵa deıingi merzimge bas bostandyǵynan aıyrý jazasyn kózdeıdi. J. buryn sotty bolmaǵan, kinásin ishinara moıyndady. Alaıda is boıynsha qylmysty alkogoldik masań kúıde jasaý túrindegi aýyrlatatyn mán-jaıdyń anyqtalýyna baılanysty, sot J.-ny kináli dep tanyp, oǵan sanksııanyń eń joǵary shegine jaqyn jaza – ortasha qaýipsizdik deńgeıindegi qylmystyq-atqarý júıesi mekemesinde jazasyn óteýmen 14 jyl merzimge bas bostandyǵynan aıyrý túrindegi jaza taǵaıyndady.
Sot múmkindigi shekteýli azamattyń talabyn qanaǵattandyrdy
Úkim zańdy kúshine engen joq.
Sot tóreliginiń tıimdiligin arttyrý mindeti