Italııadaǵy qysqy Olımpıada oıyndarynyń bastalýyna sanaýly ýaqyt qaldy. Osyǵan oraı elordalyq short-trekshiler daıyndyqtyń sońǵy kezeńin ótkizip jatyr, dep jazady Egemen.kz.
Basty startqa daıyndyq bastalǵan
Short-trekten Qazaqstannyń ulttyq quramasy daıyndyqty tolyq qarqynda júrgizip jatyr. Sportshylar úshin qazir árbir detal mańyzdy: forma, densaýlyq jáne turaqty nátıjeler. Sebebi Italııada olar tutas eldiń namysyn qorǵaıdy.
Nátıjeni sekýndtar anyqtaıdy
Short-trek – eń dınamıkalyq jáne boljap bolmaıtyn sport túrleriniń biri, jarystyń nátıjesi sońǵy sekýndtarda anyqtalady. Sondyqtan jarys shıelenisti jáne qyzyqty ótedi.
Otandyq sportshylarda 9 lısenzııa
Short-trekten Qazaqstannyń ulttyq quramasy Olımpıadaǵa qatysýǵa 9 lısenzııa jeńip aldy. Quramdy bapkerlik shtab anyqtady. Elimizdiń atynan jarys alańyna shyǵatyn oıynshylar Denıs Nıkısha, Abzal Ájiǵalıev, Olga Tıhonova jáne Iаna Han. Barlyq sportshylardyń Olımpıada oıyndarynda tájirıbesi bar.
Komanda kapıtany, álem chempıonattarynyń eki dúrkin kúmis júldegeri Denıs Nıkısha. Ol úshin aldaǵy Olımpıada mansabyndaǵy tórtinshi oıyn.
Denıs Nıkısha men Abzal Ájiǵalıevtiń ekeýiniń qashyqtyǵy birdeı, eńserýge tıisti qashyqtyǵy – 500 metr.
Short-trekten eki altyn medal jeńip aldyq
Ár sportshyda jeke qashyqtyq
Otandyq short-trekshiler 5 jeke qashyqtyqta jáne aralas komandalyq estafetada medal úshin baq synaıdy. Pekındegi ótken Olımpıadada komanda 2000 metrlik aralas estafetada úzdik bestiktiń qatarynda boldy. Bıyl sportshylar barlyq qashyqtyqta eń myqty qarsylastarmen jarysýǵa daıyn.
Qazaqstan short-trek ulttyq komandasynyń bas bapkeri Pıotr Gamıdovtyń aıtýynsha, daıyndyq kezinde ár sportshynyń jeke qashyqtyǵyna nazar aýdarylyp otyr. Árkim óz jospary boıynsha ázirlenedi. Kúshti jaqtary damytylyp, álsiz tustary jetildirilip jatyr.
24.kz-tiń habarlaýynsha, sarapshylar Qazaqstan ulttyq komandasynyń bapkerlik shtabynyń, onyń ishinde keńesshi bapker, servıs jáne medısınalyq toptardyń joǵary deńgeıde jumys isteıtinin atap ótti. Astanadaǵy daıyndyqtan keıin komanda Nıderlandyǵa oqý-jattyǵý jıynyna, sodan keıin tikeleı Italııaǵa attanady.
Qysqy Olımpıada oıyndary 6 aqpanda Mılan men Kortına-d’Ampesso qalalarynda bastalady.
Qysqy olımpıada oıyndary qyr astynda: Qorjynda qansha lısenzııa bar?