8 qańtar kúni Kún betinde iri jarylys tirkeldi. Bul týraly Kún astronomııasy zerthanasy habarlady, dep jazady Egemen.kz.
Ǵalymdardyń aıtýynsha, túski ýaqytta alynǵan koronograf sýretterinde Kúnnen ár baǵytqa taraǵan zat massasy anyq kórinedi. Alaıda jarylystyń oshaǵy Kúnniń Jerge kórinbeıtin arǵy betinde ornalasqan. Sol sebepti ony qazirgi tańda birde-bir ǵaryshtyq spýtnık tikeleı baqylaı almaı otyr.
Zerthana dereginshe, eki apta buryn Kúnniń dál osy beti Jerge qaraǵan kezde aıtarlyqtaı belsendilik baıqalmaǵan. Tek ortasha deńgeıdegi eki belsendi aımaq tirkelgen.
Astronomdar jarylys sol aımaqtardyń birinde bolýy múmkin ekenin aıtady. Zattyń taralý baǵytyna qaraǵanda, qubylys Kún dıskisiniń oń jaq tómengi bóliginde, ekvatordan tómen ornalasqan daqtar tobynda oryn alǵan. Katalogtaǵy nómiri – 4321.
Ǵalymdardyń boljamynsha, jarylystyń naqty ornyn kózben kórý tek shamamen bir aptadan keıin múmkin bolady. Sol kezde daqtar toby Kúnniń shyǵys jıeginen Jerge qaraı kórine bastaıdy.