AQSh Venesýela munaıyn satý arqyly bir kúnde 4 mıllıard dollar tabys tapty. Bul kórsetkish aldaǵy ýaqytta da óse beredi. Bul týraly Fox News telearnasyna bergen suhbatynda Donald Tramp málimdedi, dep jazady Egemen.kz.
D.Tramp aldaǵy kúnderi Venesýeladaǵy jaǵdaıǵa baılanysty 14 iri munaı kompanııasynyń basshylarymen kezdesý ótkizbek. Tramptyń aıtýynsha, bul kásiporyndar Venesýela ónerkásibin qalpyna keltirýge kómektesedi.
Deutsche Welle basylymynyń jazýynsha, Meksıka shyǵanaǵy jaǵalaýynda ornalasqan kóptegen amerıkalyq munaı óńdeý zaýyttary Venesýelada óndiriletin aýyr ári kúkirt mólsheri joǵary munaıdy óńdeýge mamandanǵan. Buǵan deıin olar atalǵan shıkizatty iri kólemde satyp alatyn. Dese de Vashıngton engizgen sanksııalarǵa baılanysty jetkizilim kólemi qysqarǵan bolatyn.
Venesýela bul kúıge qalaı tústi?
Nıkolas Madýro bılikten shettetilgennen keıin, Aq úı Karakas munaı sektoryna qatysty shekteýlerdiń bir bóligin alyp tastady.
Al AQSh Senaty Trampqa kongrestiń kelisiminsiz Venesýelaǵa shabýyldaýǵa shekteý qoıdy.
«Qara altyn» arzandasa, qazyna ortaımaı ma? Venesýela faktorynyń qazaq ekonomıkasyna áseri