Áýenmen emdeıtin neırojúıe

«NeuHarmony»-de aýtızm spektrli buzy­lysy bar balalar úshin onlaın-dıagnostıka qarastyrylǵan. Tek­se­rýden ótkennen keıin júıede jeke baǵ­darlanǵan 6 aptalyq mýzykalyq-tera­pevtıkalyq kezeń belgilenedi. Bul qyz­metti neırobuzylysy bar balalar áleýmettik-ońaltý ortalyqtarǵa beril­gen jyldyq paket aıa­synda qoldana alady. Plat­for­ma­­da jekelegen bilim berý qu­­ral­dary bala­­lardyń tur­ǵy­lyqty je­rine, áleýmettik jaǵdaıyna qara­mas­tan qol­jetimdi.

Startap jetekshisi-faýnder, K.Baı­seıitova atyndaǵy respýblıkalyq mýzykalyq mekteptiń túlegi – Kamılıa Muhametqalıeva. Ol oqýshy kezinen bas­tap áleýmettik jobalardy iske asyrýǵa yntaly bolǵan. Osy maqsatyna jetý úshin áleýmettik jelilerdi qarym-qatynas quraly ǵana emes, ártúrli bekgraýndtaǵy jáne ózgeriske talpynatyn­dardy biriktirý quraly re­tinde qoldanǵanyn aıtady. Jobanyń bastalýy óz densaýlyǵymmen baılanysty boldy, deıdi faýnder. Bes jasynan bastap kúısandyqta oınap, bolashaqta úlken zaldarda konsert berýdi armandaǵan Kamılıanyń eseıe kele sol qulaǵy bitelip qalatyn bolǵan. «Mundaı jaǵdaıda meniń mýzykamen aınalysýym múmkin bolmady. Odan shyǵar joldy izdestire júrip, «Ayala» áleýmettik ortalyǵyna keldim. Munda neırodıvergentti balalardy mýzykaǵa baýlyǵan ár sátim zor qýanysh syılady. О́ıtkeni mýzykalyq terapııa­dan ótken balalardyń damýyn­da birte-birte aıtarlyqtaı ózgerister baıqaldy. Sol kezde jeke ádistememdi qu­ras­tyrýdy oılastyra bas­tadym. Osylaısha, koman­dalyq jumys nátı­je­sin­de ınklıýzıvti otbasylardy qoldaý jáne balalardyń áleýetin ashý úshin nev­rologııa, jasandy ıntellekt jáne mýzyka terapııasyn biriktirip, «NeuHarmony» startapyn ázirledik», dedi ol.

Komanda «Technovation» baıqaýy barysynda qurylǵan. Qazirde plat­for­manyń ǵylymılyǵyna Kamılıa Muhametqalıeva jaýapty bolsa, menedj­ment assıstenti, «Dostyq» mektebiniń, mýzy­­kalyq mekteptiń túlegi – Tolǵanaı Muhtar. Ivent jáne áriptestik menedjeri Nurdana Qojahanova. Ol Almatydaǵy hımııa-bılogııa baǵytyndaǵy NZM, balalar mýzyka mektebiniń túlegi. Marketıng dırektory, hımııa-bılogııa baǵytyndaǵy NZM oqýshysy – Ásem Beısenbaı. CMO assıstenti Jibek Álimhan men zertteý baǵytynyń jetekshisi Anzııa Temetaı fızıka-matematıka baǵytyndaǵy NZM oqýshysy. Al Astanadaǵy NZM IB oqýshysy Álibek Qyzylbaev tehnıkalyq júıege, saıtqa jaýap beredi.

Jas ǵalymdar startap ıdeıasyn ázirlep, sıfrlandyrý ádistemesin «Technovation» halyqaralyq baǵdar­la­masy aıasynda jasady. «Startapty engizbesten buryn ınklıýzııa jáne mýzykalyq terapııa salasy sarapshylarymen 20-dan astam, sondaı-aq «Technovation» mentory Kamıla Rolan, Narıman Amantaevpen keńestik. Osy ádiste kóp jyldyq tájirıbesi bar kanadalyq Dıma Tahbýbpen baılanys ornattyq. Kásibı maman bul startaptyń tıimdiligine nazar aýdardy. Ǵylymı jumysty daıyndaý barysynda neıroplastıka jáne kognıtıvti damýdaǵy róli, usaq jáne iri motorıkanyń damýy, qol qımylyna áser etetin daýylpaz, klavıshti-urmaly ınstrýmentter, neırojúıesi ártúrli bala­lar­­dyń nazary men kóńil kúıin retteýge mýzykanyń áserine qatysty 50-den asa ǵylymı pýblıkasııalarǵa sholý jasaldy. Bul izdenister tekserilgen ǵylymı derek­terdi tájirıbemen ushtas­ty­rý­ǵa jáne naqty jaǵdaıda jumys isteıtin ádistemeni ázirleýge yqpal etti», deıdi Kamılıa.

Jas ǵalymdar jobaǵa kirispesten buryn ata-analar arasynda saýalnama júr­gizgen. Nátıjesinde, ata-ana­lar­dyń 70 paıyzy balalaryn jeke terapııalarǵa aparýǵa múmkindigi joq ekenin, al 85 pa­ıyzy jekelegen emge muq­taj­dyǵyn, al 92 paıyzy onlaın-plat­formalardyń qol­jetimsizdigin aıtqan.

«NeuHarmony» ádis­te­mesi neıro­plas­tıkalyq-kognı­tıv­ti neıroǵylym men mýzy­­ka­lyq terapııaǵa negizdelgen. Júıeli mýzy­ka­lyq sabaqtar ásirese, pre­frontaldy qabatta bala­nyń nazaryna ja­ýap beretin este saqtaý men kog­nıtıvti ıkemdiligine, jańa neırondy baılanysyn bel­sendirýge yqpal etedi. Aýdı­torlyq-motorlyq ıntegrasııa fortepıanoda oınaǵanda qımyldyń dáldigi men úılesimin jaqsarta otyryp, mıdyń estý jáne qozǵalym ortalyqtaryn bel­sendirip, sınhrondaıdy. Mýzykalyq belsendilik pen rıtm dofamındi qalypqa kel­tirip, qozǵalysyn baqy­laý men zeıinin jaqsar­tady. 

ALMATY