Medısına júıesin sıfrlandyrý jaıy talqylandy

Kezdesý barysynda medısı­nalyq kómektiń sapasyna tikeleı áser etetin naqty basymdyq­tar tal­qylandy. Atap aıtqan­da, medı­sı­nalyq kómektiń qol­jetim­diligin arttyrý, dárigerler men medısına qyzmetkerleri­ne túsetin ákimshilik júktemeni azaıtý, prosester­diń ashyqty­ǵyn qamtamasyz etý men derektermen jumys isteý arqyly salany tıimdi basqarý máseleleri qaraldy.

Medısınalyq qyzmet sapasy men kólemin jasandy ıntellekt tehnologııalaryn qoldaný arqyly baqylaý júıesin qurý mindetin buǵan deıin Memle­ket basshysy óz Joldaýynda belgi­legen bolatyn.

Sıfrlyq transformasııa aıasynda qoldanystaǵy aqparattyq júıelerdi shoǵyrlandyrý, sondaı-aq Biryńǵaı memlekettik medı­sı­na­lyq aqparattyq júıeni (BMMAJ) jáne medısınalyq derek­­ter­diń biryńǵaı qoımasy – Smart Data Healthcare júıe­sin damytý jos­parlanyp otyr. Atal­­ǵan plat­­forma densaýlyq saqtaý salasyndaǵy qoldanys­taǵy aqparattyq júıelerdegi (sonyń ishinde jeke medısınalyq aqpa­rat­tyq júıelerdegi) máli­met­terdi birik­ti­rip, derekterge negizdelgen keshendi tal­daý, boljaý men basqarý­shy­­lyq she­­shim­­der qabyldaýǵa múmkindik beredi.

Azamattarǵa bul medısınalyq qyzmetterdi túsinikti ete túsedi. Olarda ózderiniń elektrondyq den­saý­­­lyq pasportyna qol jetkizý, taǵa­ıyn­­daý­lardy, kórsetil­gen qyz­metter men emdeý tarıhyn «derek­terdi pasıenttiń ózi baqy­laıdy» qaǵıdaty boıynsha sıfrlyq formatta qadaǵalaý múmkindigi paıda bolady.      

Servısterdi yńǵaıly etý maqsatyn­da barlyq sheshimder QazTech plat­forma­synda ornalas­tyrylyp, eGov júıesimen birik­tiriledi. Bul aza­mat­tarǵa artyq anyqtamasyz nemese kezek­siz, medısınalyq qyzmetke jyldam ári ońaı qol jetkizýge múmkindik beredi.

Densaýlyq saqtaý júıe­sindegi negizgi mindetterdiń biri – derekterdi qorǵaý men burmalaýdyń aldyn alý. Medı­sınalyq uıymdarda pasıent­­terdiń naqty kelýin tirkeıtin faceID tetikteri engizilgen. Endi ony eki tásilmen: eGov Mobile qo­symshasy ar­qy­ly nemese bıo­metrııalyq sáıkes­ten­dirý kómegi­men rastaýǵa bolady.

Buǵan qosa ótken jyldan bas­tap «Áleýmettik ámııan» jobasy júzege asyrylyp jatyr. Onyń aıasynda azamattar ambýlatorııalyq dári-dármekpen qamtamasyz etý sheńberindegi kepildendirilgen dárilik zattar paketin ala alady. Qyzmet 700-den astam memlekettik dárihanany qamtıdy (17 mln reseptiniń 13,9 mln-y «Áleýmettik ámııan» jobasynyń sıfrlyq tetigi arqyly rásimdelgen).

Bıyl bul tájirıbeni qosymsha tólem tetigin paıdalana otyryp, jekemenshik dárihanalarda da keńinen qoldaný josparlanyp otyr. Budan bólek, medısınalyq qyzmetterge vaýcher alý múmkindigin engizý kózdelip otyr. Bul azamattar úshin medısınalyq kómek alý úderisin odan ári ashyq ári yńǵaıly etedi.

Sıfrlyq sheshimder kezeń-kezeńi­men engiziledi. Negizgi maq­sat – azamat­tarǵa naqty nátıje usy­ný jáne dári­gerler men jalpy densaýlyq saqtaý júıesine túsetin júktemeni azaıtý.