Mýzeı salasyn damytý jáne halyqaralyq standart engizý aıasynda Almaty qalasy mýzeıleri birlestiginiń qyzmetkerleri Koreıanyń Seýl jáne Kıondjý qalalarynyń jetekshi mýzeılerinde kásibı biliktiligin arttyryp qaıtty, dep jazady Egemen.kz.
Almaty qalasy Mádenıet basqarmasynyń deregine súıensek, biliktilikti arttyrý baǵdarlamasy Seýl qalasy mýzeıleri birlestigi tarapynan iske asty. Onyń barysynda mádenıet pen mýzeı isi salasyndaǵy halyqaralyq yntymaqtastyqty nyǵaıtý barysy qarastyryldy. Oqý baǵdarlamasy aıasynda zamanaýı mýzeı qyzmetiniń negizgi baǵyttary, atap aıtqanda, eksponattardy esepke alý jáne saqtalýyn qamtamasyz etý, onyń ishinde qolaıly klımattyq jaǵdaıdy baqylap, retteý, restavrasııa jáne konservasııa jumystaryn júrgizý, tasymaldaý kezinde qaýipsizdik talaptarynyń saqtalýyn qadaǵalaý boıynsha teorııalyq jáne tájirıbelik sabaqtary ótti.
Almaty qalasy mýzeıler birlestigi men Seýl qalasy tarıhy mýzeıi arasynda yntymaqtastyq týraly memorandým 2022 jyly jasaldy. Kelisim aıasynda Seýl qalasy tarıhy mýzeıinde Almaty mýzeıiniń «Uly Dala jaýharlary» kórmesi, al Seýl qalasy tarıhy mýzeıiniń «Seýl ǵajaıyptary» kórmesi Almaty qalasynda uıymdastyrylǵan bolatyn.
Osy kelisimge oraı uıymdastyrylǵan taǵylymdamada mýzeı qyzmetkerleri Seýl jáne Kendjý qalalarynyń jetekshi mýzeıleriniń jumys tájirıbesimen jan-jaqty tanysty. Atap aıtqanda, bul tizimde Koreıanyń ulttyq mýzeıi, Koreıa ulttyq folklor mýzeıi, Seýl qalasy tarıhy mýzeıi, Seýl qolóner óner mýzeıi, Sedjon patsha mýzeıi, Admıral Lı Sýnsın mýzeıi, Koreıanyń ulttyq saraı mýzeıi, Kendjý ulttyq mýzeıi, Kendjý ulttyq parki, Kenbokkýn saraıy, Chhongechhon mýzeıi, Hanıandoson bekinis-qamaly mýzeıi bar. Sonymen qatar, IýNESKO-nyń Álemdik muralar tizimine engen ashyq aspan astyndaǵy Kendjý arheologııalyq kesheniniń qyzmeti, ozyq tájirıbesi zerdelendi.
Almaty