Mańǵystaý oblysynda Bozjyra shatqalynyń sholý alańyna aparatyn avtomobıl jolynyń qurylysy bastaldy. Bul týraly Qaraqııa aýdany ákimdigi málimdedi, dep habarlaıdy Egemen.kz.
Jobalyq qujattamaǵa sáıkes, tapsyrys berýshi – Qaraqııa aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi. Bastapqyda jobanyń quny 2,878 mlrd teńge dep belgilengen. Konkýrs qorytyndysy boıynsha merdiger retinde «Aq jol» qurylys JShS anyqtalyp, kompanııa jumysty 2,513 mlrd teńgege oryndaýdy usynǵan. Qosylǵan qun salyǵyn eskergende kelisimsharttyń jalpy somasy shamamen 3,159 mlrd teńgeni quraıdy.
Joba aıasynda óńirdegi eń tanymal týrıstik nysandardyń biri sanalatyn Bozjyraǵa uzyndyǵy 13,2 shaqyrym bolatyn avtojol salynady. Qurylys týrıster úshin qaýipsiz ári qolaıly qatynasty qamtamasyz etýge baǵyttalǵan.
«Washington Post» Mańǵystaý týraly maqala jarııalady.
Sonymen qatar jol salý jumystarymen qatar Bozjyra aýmaǵynda eki vızıt-ortalyqtyń qurylysy bastalǵan. Qazirgi tańda jol boıynda ornalasqan vızıt-ortalyqtyń bireýiniń qurylysy aıaqtalǵan. Ony kelesi týrıstik maýsymda paıdalanýǵa berý josparlanyp otyr.
Budan bólek, Sherqala taýynyń mańynda glempıng aımaǵyn salý jumystary bastalǵany habarlandy.
Mańǵystaýda qatty turmystyq qaldyqtardy qabyldaıtyn polıgondar jetispeıdi
Jergilikti bılik ókilderiniń pikirinshe, atalǵan jobalar Mańǵystaý óńirinde zamanaýı týrıstik ınfraqurylym qalyptastyryp, ishki jáne sheteldik týrıster úshin aımaqtyń tartymdylyǵyn arttyrýǵa múmkindik beredi.
Buǵan deıin Aqtóbe – Mańǵystaý baǵytyndaǵy poıyzdyń vagondary jańarǵany habarlandy.