Oblys polıseılerine 30 jastaǵy azamattyń kóligi joǵalǵany týraly habar túsipti. Ol dúkenge az ýaqytqa kirip, qaıtyp oralǵanda kóliginiń joq ekenin baıqap birden polısııaǵa júgingen, dep jazady Egemen.kz.
Polısııa jedel áreket etip, urlanǵan kólikke baǵdar barlyq patrýldik ekıpajdarǵa taratylyp, beınebaqylaý kameralary arqyly kóliktiń qala syrtyna baǵyt alǵany anyqtaldy. Al Syrdarııa aýdandyq polısııa bóliminiń qyzmetkerleri kúdikti kólikti tasjolda toqtatyp, ony basqaryp kele jatqan 22 jastaǵy aýdan turǵyny ustaldy. Tergeý barysynda onyń sol kúni taǵy bir avtokólikti urlaǵany belgili boldy.
Dron arqyly mal urlyǵy ashyldy
Qazirgi ýaqytta kúdikti qamaýǵa alyndy. Atalǵan fakti boıynsha qylmystyq is qozǵalyp, sotqa deıingi tergeý amaldary júrgizilip jatyr.
Aıta keteıik, Almatyda er adam meshitte namaz ýaqytynda urlyq jasaǵan.