Qazaqstannyń tumsa tabıǵaty men kórikti oryndaryn vıdeoǵa túsirip, otandyq týrızmdi nasıhattap júrgen vıdeograf Dastan Muhamedrahym Dýbaıdaǵy is-sharalardyń birinde áıgili amerıkalyq akter ári rejıssıor Ýıll Smıtke tartý jasady, dep jazady Egemen.kz.
Dastan Muhamedrahym áleýmettik jelidegi paraqshasynda sahnaǵa shyǵyp, Ýıll Smıtke shapan jaýyp jatqan vıdeosyn jarııalap, erekshe sáttegi áseri týraly jazdy.
«Mássaǵan, oılańyzdarshy Ýıll Smıtke shapan japtym! Oılamaǵan jerden. Basqa eshkim durys sýretke de túse almady. Men ǵana shapan jaýyp sýretke túsip úlgerdim, ary qaraı dúrbeleń bolyp ketti. Qudaı berem dese beredi eken ǵoı. Allaǵa shúkir», dep jazdy Dastan Muhamedrahym.
Buǵan deıin Dastannyń vıdeosyn Instagram-nyń resmı paraqshasy jarııalaǵan edi.