Qazaqctan ulttyq quramasynyń jartylaı shabýylshysy Ǵalymjan Kenjebek resmı túrde Groznyıdyń «Ahmat» klýbynyń qataryna qosyldy, dep habarlaıdy Egemen.kz klýbtyń baspasóz qyzmetine silteme jasap.
22 jastaǵy shabýylshynyń Groznyı klýbymen kelisimi 4,5 jylǵa jasalǵan.
2003 jyly Taraz qalasynda dúnıege kelgen fýtbolshy almatylyq «Qaırat» klýbynyń akademııasynda tárbıelendi. Úlken fýtboldaǵy alǵashqy qadamyn 2020 jyly dál osy «Qaırat» sapynda bastaǵan. Keıin mansabyn «Maqtaaral» (Túrkistan oblysy), «Jeńis» (Astana) klýbtarynda jalǵastyryp, shetelde de baq synady. Kıprdiń «Akrıtas Hlorakas» jáne Slovakııanyń «Koshıse» komandalarynda óner kórsetti. Sońǵy kezderi semeılik «Elimaı» klýbynyń namysyn qorǵady.
«Astana» fýtbol klýby jańa maýsymǵa daıyndyqty bastady
Ǵalymjan Kenjebek Qazaqstan ulttyq quramasyndaǵy alǵashqy oıynyn 2024 jyly ótkizdi. Ol ulttyq qurama sapynda 6 matchqa qatysyp, bir gol soqty. Sonymen qatar fýtbolshy Qazaqstannyń 17, 19 jáne 21 jasqa deıingi jasóspirimder men jastar quramalarynda da óner kórsetken.
Qazaqstan fýtbol quramasynyń bas bapkeri belgili boldy
Aıta keteıik, «Ahmat» klýbyn belgili bapker Stanıslav Cherchesov jattyqtyrady. Buǵan deıin ol Qazaqstan ulttyq quramasynyń bas bapkeri bolǵan. Sonymen qatar groznyılyq klýb sapynda taǵy bir Qazaqstan fýtbolshysy Maksım Samorodov ta óner kórsetip júr.
Islam Chesnokov Shotlandııanyń «Harts» klýbyna aýysty