Zaısan aýdanynyń Shilikti aýylyna ınternet jetti. Altyn adam shyqqan tarıhı mekenniń turǵyndary bul kúndi kóp kútti. Endi aýyl halqy uıaly baılanysqa emin-erkin qosylyp, ınternettiń ıgiligin kóretin bolady, dep habarlaıdy Egemen.kz.
Memleket basshysy Qasym-Jomart Toqaev 2026 jyldy Sıfrlandyrý jáne jasandy ıntellekt jyly dep bekitti. О́ńirimizde 357 eldi meken bar bolsa, sonyń 98 paıyzy ınternetpen qamtamasyz etilgen. Barlyǵy 14 antenna-munaraly qondyrǵy ornatyldy. Sondaı munaranyń biri Shilikti aýylynda da iske qosylyp jatyr.
El azamattary sapaly ınternetpen qashan tolyq qamtylady?
Oblys ákimi Nurymbet Saqtaǵanovtyń aıtýynsha, aldaǵy bir-eki jylda oblystyń barlyq eldi mekeni ınternetke qosylady.
Poıyzdar men ushaqtarda Starlink deńgeıindegi ınternet paıda bolady
Shiliktide ornatylǵan 15 metrlik antenna-munaralyq qondyrǵy jer telimimen birge Zaısan aýdanynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń balansyna berildi. Uıaly baılanys operatory anyqtalyp, nysan iske qosyldy. Osy oraıda jergilikti turǵyn, kóp jyl mádenıet salasynda eńbek etken Aıgúl Dosanova aýylǵa jahandyq jeliniń kelýin erekshe mereke dep atap ótti.
– Túngi saǵat on ekiler shamasynda uıaly telefonym bezildep, maza bolmaı ketti. Buǵan ne bop qaldy dep qarasam, ınternet qosylyp, neshe kúnnen bergi týys-týǵandardyń hat-habary topyrlap kelip jatyr eken. Internet – bilimniń bastaýy. Balalarymyz bolashaqta ǵalamtor arqyly bilim alyp, jasandy ıntelektini meńgerip, jan-jaqty damıdy, – dep alǵysyn bildirdi Aıgúl Dosanova.
Antenna-munaraly qondyrǵynyń iske qosylýy arqasynda shalǵaıdaǵy eldi meken halqy telekommýnıkasııa qyzmetterine qol jetkizip, sıfrlyq júıeniń ıgiligin kórýge múmkindik aldy.
Bıyl 1900 eldi mekenge joǵary jyldamdyqty ınternet qosylady