Qyzylordada «Syr jastary» óńirlik baǵdarlamasymen baspanaly bolǵan 100 jas otbasyǵa páter kiltteri tabystaldy, dep habarlaıdy Egemen.kz.
Parlament Senaty men Májilisiniń depýtattary Naýryzbaı Baıqadamov, Rýslan Rústemov, Murat Ábenov, Marhabat Jaıymbetov, Murat Ergeshbaev, «Qazaqstan halqyna» qoǵamdyq qorynyń basqarma tóraıymy Lázzat Shyńǵysbaeva, quqyq qorǵaý organdary men jaýapty salalardyń basshylary, zııaly qaýym ókilderi, qala turǵyndary qatysqan saltanatty jıynda oblys ákimi Nurlybek Nálibaev jańa páter ıelerin quttyqtap, óńirlik baǵdarlamanyń tıimdiligin atap ótti.
«Búginde oblysymyzdaǵy jastar sany 250 myńǵa jýyqtady. Osydan 3 jyl buryn «Syr jastary» óńirlik turǵyn úı baǵdarlamasy qabyldanyp, 2024 jyly 100 jas otbasy baspanaly boldy. Byltyr osy baǵdarlama aıasynda 1 mlrd 200 mln teńge, «Otbasy bank» tarapynan 500 mln teńge qaraldy. Búgin 100 páterlik 2 turǵyn úı bilim, medısına, mádenıet, sport, qarjy, áleýmettik salalarda qyzmet etetin jas otbasylarǵa tabystalyp otyr. Jańa baspanalaryńyzdyń irgetasy berik, ár shańyraqtyń ishi tatýlyq pen berekege toly bolǵaı!», dedi N.Nálibaev.
Oblys ákimi jáne qonaqtar óńirlik baǵdarlamamen páter alǵan jas mamannyń jańa páterine kirip, izgi tilekterin bildirdi.
Jas ǵalymdarǵa páter kilti tabystaldy
Eske salaıyq, buǵan deıin Ulytaý oblysynda 32 jas otbasy baspanaly bolǵanyn jazǵan edik.
Abaılyqtar baspanaly boldy