Qarýly kúshterdiń áskerı qyzmetshisi serjant Elaman Qýatov áýesqoı aralas jekpe-jekten Azııa chempıony atandy. Ol 120 kelige deıingi salmaq dárejesinde saıysty. Qurlyq dodasy Qytaıdyń Lýdjoý qalasynda ótti, dep jazady Egemen.kz.
Eń myqty sportshylar jınaldy
Týrnır osy aıdyń 5-12 kúnderin qamtydy. Tartysty ári áserli jekpe-jekter barysynda serjant E.Qýatov joǵary deńgeıdegi sporttyq sheberligin kórsetip, altyn medal jeńip aldy.
Úsheýinde utty
Chempıondyq ataqqa jetý jolynda otandyq áskerı qyzmetshi úsh kezdesý ótkizdi. Ol alǵashqy aınalymda Taıpeı ókilin jeńse, ekinshi jekpe-jekte Qytaı sportshysyn utty. Al fınalda О́zbekstannan kelgen qarsylasyn aıqyn basymdyqpen jeńdi.
Alǵashqy altyn
Bul – elimizdiń Qarýly kúshteri tarıhynda áýesqoı aralas jekpe-jekten Azııa chempıonatyndaǵy alǵashqy altyn medal. Áskerı sportshynyń jetistigi otandyq armııanyń sporttyq shejiresinde tarıh bolyp jazyldy.
234 altyn medal: Ásker sportynyń jyl qorytyndysy shyǵaryldy