PETROPAVL. 24 aqpan. Pavlodar qalasynda akrobattyq jolaq pen batýtta sekirýden ótken el birinshiliginde Soltústik Qazaqstan óńiriniń ókilderi tamasha tabystarǵa jetti. Bul týraly oblystyq dene shynyqtyrý jáne sport basqarmasynyń baspasóz qyzmeti habarlady.
Respýblıkalyq dodaǵa quramynda 100-ge tarta sportshy bar 8 komanda qatysyp, saıystyń qorytyndysynda soltústikqazaqstandyqtar 7 medal enshiledi. Atap aıtqanda, Ivan Rýsakov pen Vıtalıı Dell batýtta sekirýden, Marııa Toporısheva akrobattyq jolaqta sekirýden jeńimpaz atandy. Elızaveta Mes (akrobattyq jolaq) pen Oleg Remıgaılo (akrobattyq jolaq) ekinshi, úshinshi oryndardy ıelendi.
Soltústikqazaqstandyqtar jalpykomandalyq esepte de úzdikter qatarynan kórindi. Akrobattyq jolaqta sekirý baǵdarlamasynda qyzdarymyz da, uldarymyz da chempıondyq tuǵyrǵa kóterildi.
О́mir Esqalı.
Derek: Soltústik Qazastan oblystyq dene shynqtyrý jáne sport basqarmasynyń baspasóz qyzmeti.
Sýret: «QazAqparat».