Almaty mektepteri otandyq BilimClass elektrondyq jýrnalyna kóship jatyr. Serverleri el aýmaǵynda ornalasqan ári paıdalanýshylar derekteriniń qaýipsizdigin qamtamasyz etetin platforma buǵan deıin qaladaǵy 15 mektepte pılottyq rejimde synaqtan ótti, dep habarlaıdy Egemen.kz.
BilimClass – elektrondyq jýrnaly mektepti basqarý júıesi, oqý kontenti, ádistemelik taldaý jáne analıtıka quraldaryn usynady. Ata-analar men oqýshylar BilimClass mobıldi qosymshasyn tegin paıdalanady. Qosymsha sabaq kestesi, sabaqqa qatysý, oqý úlgerimi men úı tapsyrmalary týraly tolyq aqparat beriledi. Pedagogter úshin platformada kúntizbelik-taqyryptyq josparlaý, qashyqtan sabaq ótkizý múmkindigi, óz sabaqtaryn júkteý, ınteraktıvti tapsyrmalar, BJB/TJB katalogy, chat jáne oqýshylarmen keri baılanys quraldary qoljetimdi.
Platformaǵa kóshý oqý úderisine áser etpeýi úshin arnaıy qysqy demalys kezeńinde júrgizildi. Osy ýaqytta muǵalimder júıemen jumys isteý boıynsha arnaıy oqýdan ótti.
Qazirgi tańda BilimClass júıesin elimizdiń 11 óńirindegi 2,5 mıllıon oqýshy men 350 myńǵa jýyq muǵalim paıdalanyp otyr. Atap aıtqanda, platforma Almaty, Aqmola, Batys Qazaqstan, Qostanaı, Aqtóbe, Ulytaý, Abaı, Qyzylorda, Jetisý, Túrkistan jáne Soltústik Qazaqstan oblysynda qoldanysta. Platformany ázirleýshi – Bilim Group IT holdıngi. Mektepterge BilimClass platformasymen qatar, osy Bilim Group kompanııasynyń basqa da ónimderi (BilimLand, OnlineMektep, BilimKids, iTest, BilimUstaz, Kitap.kz jáne SmartNation) usynylady. Olardyń qatarynda UBT-ǵa daıyndalýǵa kómektesetin iTest onlaın-trenajeri, bastaýysh synyp oqýshylaryna arnalǵan qazaq tilindegi iMektep vıdeosabaqtar platformasy, sondaı-aq TMD aýmaǵyndaǵy eń iri sıfrlyq bilim berý kontent qory sanalatyn BilimLand te bar.