Qonaev qalasynda kórnekti memleket jáne qoǵam qaıratkeri, úsh márte Sosıalıstik Eńbek Eri Dinmuhamed Ahmetuly Qonaevtyń týǵanyna 114 jyl tolýyna oraı eskertkishine gúl shoqtaryn qoıý rásimi ótti, dep habarlaıdy Egemen.kz.
Eske alý sharasyna Almaty oblysy ákiminiń orynbasary Ǵanı Maılybaev, Qonaev qalasynyń ákimi Ashat Berdihanov, qala aqsaqaldary, mádenıet salasynyń ókilderi, quqyq qorǵaý organdarynyń qyzmetkerleri jáne qala turǵyndary qatysty.
Jınalǵan jurtshylyq qazaq halqynyń ardaqty perzentiniń el damýyna sińirgen eren eńbegin eske alyp, onyń memleket basqarýdaǵy kemel saıasaty men adamı bolmysyna toqtaldy. Dinmuhamed Ahmetulynyń qaıratkerlik joly – elge adal qyzmet etýdiń, parasat pen jaýapkershiliktiń jarqyn úlgisi ekeni atap ótti.
Shara barysynda qatysýshylar eskertkish aldyna gúl shoqtaryn qoıyp, ult tarıhynda óshpes iz qaldyrǵan tulǵanyń rýhyna taǵzym etti.
Almaty oblysy.