Taılandtyń Phýket jaǵalaýynda týrıster mingen kater men balyqshylarǵa tıesili keme soqtyǵysyp, katerdiń basym bóligi sýǵa batqan. Syrtqy ister mınıstrliginiń málimetinshe, kater ishinde el azamattary da bolǵan, dep jazady Egemen.kz.
Katerde 55 adam bolǵan. Onyń segizi Qazaqstan azamaty ekeni anyqtalyp otyr.
Mınıstrlik zardap shekken otandastarymyzǵa medısınalyq kómek kórsetilgenin habarlady.
«Qazir Qazaqstannyń 3 azamaty aýrýhanaǵa jatqyzyldy. Olardyń jaǵdaıy turaqty, barlyq shyǵyndy saqtandyrý kompanııasy óteıdi. Konsýl azamattarmen turaqty baılanysta. Olarǵa qajetti qoldaý kórsetilip jatyr», delingen vedomstvo taratqan habarlamada. Taılandta buǵan deıin de týrıster mingen kater janyp ketip, ushaq apatqa ushyraǵan edi.