Almatyda áýejaıdyń ekonomıkalyq qaýipsizdik qyzmetinde jumys istegen burynǵy qyzmetkerge qatysty sot úkimi shyqty. Ol áriptesinen tártiptik komıssııanyń sheshimine yqpal etemin dep ýáde berip, 1 mln teńge alǵan. Alaıda sot ony alaıaqtyq dep tanydy, dep jazady Egemen.kz
Sot materıaldaryna sáıkes, 2025 jyldyń basynda áýejaıdyń Ekonomıkalyq qaýipsizdik qyzmetiniń qyzmetkeri Baqytjan Qurmanbaev tirkeý agenti Ýmıda Abdýhalılovanyń jolaýshylardan zańsyz syıaqy alǵanyn anyqtaǵan. Buzýshylyq beınelengen beınejazbalar tártiptik komıssııanyń qaraýyna jiberilgen.
Aqmola oblysynda 7,3 mln teńgeniń jerin alaıaqtyqpen satqan eks-dırektor sottaldy
23 sáýirde komıssııa áıelge qatań sógis jarııalaǵan. Osydan keıin Qurmanbaev áriptesine komıssııanyń sheshimine ózi yqpal ettim dep aıtyp, sol arqyly onyń jumysta qalýyna «kómektestim» degen. Sol «qyzmeti» úshin ol 1 mln teńge talap etken. Kelesi kúni Abdýhalılova aqshany bergen. Bul sát beınejazbaǵa túsip, Qurmanbaevty polısııa qyzmetkerleri ustaǵan.
Sot Qurmanbaevtyń komıssııa sheshimine naqty yqpal etý múmkindigi bolmaǵanyn anyqtady. Soǵan qaramastan, ol qyzmettik jaǵdaıyn jáne áriptesiniń senimin paıdalanyp, aqshany ıemdengen. Osyǵan baılanysty ol alaıaqtyq jasaǵany úshin kináli dep tanylyp, eki jylǵa bas bostandyǵyn shekteý jazasyna jáne úsh jyl boıy ishki qaýipsizdik salasynda jumys isteýge tyıym salyndy.
Túrkistan oblysynda bas dáriger memsatyp alý arqyly alaıaqtyq áreketke barǵan
Sonymen birge sot amnıstııa týraly zańdy qoldandy. Sebebi keltirilgen shyǵyn tolyq ótelgen. Osyǵan baılanysty sottalǵan adam negizgi jazany óteýden bosatyldy.
Jábirlenýshiniń moraldyq jáne qosymsha materıaldyq shyǵyndy óndirip alý týraly talaby qanaǵattandyrylmady. Alaıda sot Qurmanbaevty jábirlenýshiniń advokatyna ketken 1 mln teńgeni jáne ótemaqy qoryna 58 980 teńge tóleýge mindettedi.
Túrkııa alaıaqtyq boıynsha aıyptalǵan kúdiktini Qazaqstanǵa qaıtardy
Úkimge áli shaǵym túsýi múmkin.