Astanada jeńil relsti kólik (LRT) júıesine qyzmetkerlerdi irikteý jumystary bastaldy. Bul týraly «City Transportation Systems» kompanııasy habarlady, dep jazady Egemen.kz.
Jeńil relsti kólikti iske qosý jáne onyń úzdiksiz jumysyn qamtamasyz etý úshin mashınısterden bastap jol monterleri men kúzet qyzmetkerlerine deıin túrli sala mamandary qajet. Kompanııa bolashaq mamandardy óz qarajaty esebinen oqytýǵa daıyn.
LRT qurylysyna bıýdjetten 300 mlrd teńgeden astam qarajat jumsaldy
Oqý prosesi Astanada ótedi jáne 4 aıǵa deıin sozylady. Úmitkerlerdiń tehnıkalyq bilimi bolýy jáne 1 jyldan 3 jylǵa deıingi jumys tájirıbesi talap etiledi.
Astanadaǵy LRT-ǵa qandaı mamandar qajet: kompanııa irikteý jarııalady
Barlyǵy 38 bos jumys orny jarııalanǵan. Olardyń qatarynda eńbek qaýipsizdigi men múlikti basqarý salasynyń mamandary, slesarlar, energetıkter men elektrmonterler, sondaı-aq dıspetcherler, óndiris menedjerleri, sheberler men tehnıkter bar.
Aıta keteıik, buǵan deıin LRT júıesi 2026 jyldyń qyrkúıek aıynda iske qosylatynyn jazǵan edik.