Oqıǵa 10 qańtar kúni tańerteń bolǵan. Shymkent aspanynda sheteldik eki áýe kompanııasyna tıesili ushaqtar bir-birine tym jaqyn qashyqtyqta ushqan. Olar Qazaqstan arqyly tranzıttik reıspen ótken, dep jazady Egemen.kz.
«Pobeda» áýe kompanııasyna tıesili Boeing 737 ushaǵy Vnýkovo – Samarqan baǵyty boıynsha ushyp bara jatqan. Al ekinshisi Uzbekistan Airways kompanııasyna tıesili Airbus A320 áýe kemesi. Ol Termezden Máskeýge baǵyt alǵan.
AQSh-ta eki tikushaq soqtyǵysyp, bir adam qaza tapty
Ushaqtar bir-birine jaqyndaǵan sátte, ekeýi de Shymkenttegi áýe dıspetcherleriniń baqylaý aımaǵynda bolǵan. Oqıǵa Azamattyq avıasııa qaǵıdalaryna sáıkes tergeýdi qajet etetin aýyr avıasııalyq jaǵdaı retinde tirkeldi. Qazir Kólik mınıstrligi tekserý úshin arnaıy komıssııa quryp jatyr.
Eske salaıyq, Groznyıǵa bet alǵan azerbaıjandyq AZAL kompanııasyna tıesili Embraer 190 jolaýshylar ushaǵy Aqtaý mańynda apatqa ushyrady. Áýe apatynan 38 adam kóz jumyp, 29 jolaýshy jaraqat alǵan edi.
Keıin oqıǵa ornynan 12 jolaýshy aýrýhanaǵa jetkizilgenin habarlaǵan edik. Ushaq bortynda Qazaqstannyń 6 azamaty bolǵan. Apattyń sebebin anyqtaý maqsatynda tergeý jumystary júrgizildi. 2025 jyldyń 26 jeltoqsanynda elimizdiń Kólik mınıstrligi tergeýdiń aralyq qorytyndysyn jarııalady.