Astana alǵash ret Numbeo halyqaralyq reıtınginde eń qaýipsiz 100 qalanyń qataryna senimdi túrde kirdi. Qazaqstan astanasy bir jyl ishinde 24 satyǵa joǵarylap, 105-orynnan 81-orynǵa kóterildi, dep habarlaıdy Egemen.kz.
Qalanyń qaýipsizdik ındeksi 66,7-den 67,5-ke ósti. Bul Astanany qylmys deńgeıi tómen ári turaqty qalalyq orta qalyptasqan megapolıster tobyna qosty.
Numbeo reıtıngi tek resmı qylmys statıstıkasyn ǵana emes, turǵyndardyń ózderin qanshalyqty qaýipsiz sezinetinin, polısııa jumysynyń kórinisi men tıimdiligin, sondaı-aq qala ınfraqurylymynyń sapasyn eskeredi. Oǵan jaryqtandyrý, qoǵamdyq keńistikter jáne kólik júıesi de kiredi.
Elimizde qylmys jyldan-jylǵa azaıyp keledi
Almaty kerisinshe, úzdik júzdikten tys qaldy. Qala 195-orynǵa jaıǵasty. Qaýipsizdik ındeksi 46,7 deńgeıinde saqtalǵanymen, bul kórsetkish reıtıngte joǵarylaýǵa jetkiliksiz boldy.
2025 jyly álemdegi eń qaýipsiz qalalar qatarynda Abý-Dabı, Doha jáne Dýbaı kósh bastady. Reıtıngke barlyǵy 263 qala engen. Sol tizimge Qazaqstannan tek Astana men Almaty ǵana kirdi.
Qylmys tómendep, sıfrlandyrý kúsheıdi: IIM 2026 jylǵy basym mindetterdi belgiledi