Prezıdent – Qazaqstan Respýblıkasy Qarýly Kúshteriniń Joǵarǵy Bas qolbasshysy Qasym-Jomart Toqaev qorǵanys vedomstvosynyń 2025 jyly atqarǵan qyzmeti týraly esepti tyńdady, dep jazady Egemen.kz.
Dáýren Qosanov Memleket basshysyna armııanyń jaýyngerlik ázirligi jáne Qarýly kúshterdi damytýdyń basymdyqtary jóninde málimet berip, sıfrlyq tehnologııalardy engizý, áskerı-patrıottyq tárbıe jumystary, sondaı-aq qorǵanys ınfraqurylymyn jetildirý sharalary týraly baıandady.
Sondaı-aq Qorǵanys mınıstri Prezıdenttiń Qarýly kúshter sapynda tártip ornatý jónindegi tapsyrmasynyń oryndalý barysy jaıynda aqparat usyndy.
Joǵarǵy Bas qolbasshy mınıstrge armııanyń jaýyngerlik ázirlik deńgeıin arttyrý, áskerı jáne quqyqtyq tártipti kúsheıtý jóninde naqty mindetter júktedi.
Aıta keteıik, kúni keshe Prezıdent Qarjylyq monıtorıng agenttiginiń tóraǵasyn qabyldady.