Polısııa departamentiniń habarlaýynsha Shymkentte 80 mln teńgeden astam somaǵa alaıaqtyq jasady degen kúdikpen halyqaralyq izdeýde bolǵan áıel ustaldy. Tergeý derekterine sáıkes, ol shymkenttik turǵyndarǵa qatysty birqatar alaıaqtyq qylmystar jasaǵan, dep habarlaıdy Egemen.kz.
Keltirilgen jalpy materıaldyq shyǵyn kólemi 80 mıllıon teńgeden asady. Kúdiktiniń jasaǵan qylmysynan bir mysal keltirsek, ol altyn buıymdar satýmen aınalysatyn kásipkerdiń senimine kirip, zergerlik áshekeılerin ıemdenip ketken.
Aqmola oblysynda 7,3 mln teńgeniń jerin alaıaqtyqpen satqan eks-dırektor sottaldy
Sonymen qatar, turǵyndardan shetelge arzan baǵamen týrıstik saparlar uıymdastyramyn dep aqsha alyp, sońynda sózinde turmaı, qarajatty qaıtarmaı qoıǵan.
Polısııa alaıaqtarǵa aldanyp qalmaýdyń 5 negizgi erejesin atady
Atalǵan jáıtter boıynsha polısııada is qozǵalyp, kúdikti halyqaralyq izdeýge jarııalanǵan. Júrgizilgen keshendi jedel-izdestirý sharalarynyń nátıjesinde áıel ustalyp, ýaqytsha ustaý ızolıatoryna qamaldy. Qazirgi tańda istiń barlyq mán-jaıyn anyqtaýǵa jáne qylmystyq áreketterdiń qosymsha epızodtaryn áshkereleýge baǵyttalǵan tergeý jumystary júrgizilip jatyr.
Aıta keteıik, jýyrda Astanada bala emine dep aqsha jınaǵan alaıaq erli-zaıyptyǵa úkim shyqty.