Elimiz Azııa qurlyǵyndaǵy eń iri ádebı alańdardyń biri sanalatyn National Book Fair Delhi – 2026 halyqaralyq kitap kórmesine qatysyp, ulttyq ádebıetimizdi álemdik oqyrmanǵa keńinen tanystyrýǵa múmkindik aldy, dep jazady Egemen.kz.
Halyqaralyq kitap kórmesi aıasynda Qazaqstannyń ulttyq ekspozısııasy uıymdastyrylyp, onda qazaq halqynyń baı ádebı murasy, klassıkalyq jáne zamanaýı qazaqstandyq avtorlardyń shyǵarmalary, sondaı-aq eldiń tarıhı-mádenı jáne rýhanı qundylyqtaryn tanystyratyn kitaptar usynyldy. Kórmege kelýshilerdiń qarasy qalyń. Qatysýshylardyń aıtýynsha, qazaq ádebıetine, ásirese jastar tarapynan qyzyǵýshylyq joǵary.
Kitap kórmesi: Úndi oqyrmandary qazaq tarıhyna qyzyǵady
Ekspozısııa aıasynda qazaq ádebıetiniń kórnekti ókilderi – Muhtar Áýezov, Ábish Kekilbaev, Saıyn Muratbekov, Dýlat Isabekov syndy qalamgerlerdiń shyǵarmalary kópshilik nazaryna usynylǵan.
Kórme barysynda otandyq ádebıettiń damý úderisterine arnalǵan kásibı kezdesýler, taqyryptyq pikir almasýlar, suhbattar men ádebı tanystyrylymdar ótkizilip jatyr. Mundaı basqosýlar halyqaralyq ádebı baılanystardy nyǵaıtyp, kórkem aýdarma men baspa isi salasyndaǵy yntymaqtastyqty keńeıtýge jol ashady.
Almatyda 2025 jyly jaryq kórgen kitaptardyń kórmesi ashyldy
Is-shara aıasyndaǵy mańyzdy mádenı oqıǵalardyń biri – uly aqyn Abaı Qunanbaıulynyń «Qara sózderiniń» hındı tiline aýdarylǵan basylymynyń tanystyrylymy boldy. Osylaısha, Qazaqstannyń National Book Fair Delhi – Mamandar 2026 halyqaralyq kitap kórmesine qatysýymyz qazaq ádebıetin halyqaralyq mádenı keńistikte ilgeriletýge, ádebıet arqyly halyqtar arasyndaǵy rýhanı baılanysty kúsheıtýge jáne mádenı dıplomatııany damytýǵa mańyzdy úles qosatynyn aıtady.
Atalmysh kórme 18 qańtarǵa deıin jalǵasady.