Osydan biraz ýaqyt buryn Shymkent qalasy Polısııa departamentine qarasty Ál-Farabı aýdandyq polısııa basqarmasynyń bastyǵy paramen ustaldy degen aqparat taraǵan bolatyn. Jýyrda Ulttyq qaýipsizdik komıteti osy jaıtqa qatysty qylmystyq is qozǵalǵanyn resmı túrde rastady, dep jazady Egemen.kz.
Derekterge súıensek kúdiktige 20 mıllıon teńge para aldy degen aıyp taǵylyp otyr. Advokattardyń aıtýynsha kúdikti ózin kináli emespin dep sanaıdy.
Ál-Farabı aýdandyq polısııa basqarmasynyń basshysy 28 jeltoqsanda ustalǵan bolatyn. Ázirge tergeý amaldary júrip jatyr. Biraq bir aıta keterligi sońǵy bir-eki jyldyń kóleminde Shymkentte joǵary laýazymdy tártip saqshylarynyń ustalýy jıilep ketti.
Ulttyq qaýipsizdik komıteti jemqorlyqqa oqtalǵan 895 adamdy ustady
Máselen byltyr tamyzda Turan aýdandyq polısııa basqarmasynyń bastyǵy men onyń qaramaǵyndaǵy jedel bólim qyzmetkeri quryqtalǵan edi. Olar qylmystyq isti oń sheship berý úshin para aldy degen kúdikpen ustalǵan. Jalpy mundaı laýazymdaǵy polıseıdiń paramen tutqyndalýy shahar tarıhynda birinshi ret bolǵan oqıǵa dep sol kezde kádimgideı sóz bolǵan. Endi arada tórt aı ótkende, taǵy bir aýdannyń bas polıseıi para aldy degen kúdikpen qolyna kisen salyndy.
Bilim júıesinde jemqorlyqqa jol joq
2024 jyly da Shymkent qalalyq Polısııa departamentinde iri laýazymdy polıseıler sybaılas qylmysqa bardy degen kúdikpen qamalǵan. Kóp uzamaı departament bastyǵy, general Dýman Taev otstavkige ketti. Onyń ornyn Almaty qalalyq Polısııa departamenti bastyǵynyń birinshi orynbasary, polısııa polkovnıgi Nurlan Almasbekov basty. Biraq báribir de joǵary shendi megapolıs polıseıleri arasynda jemqorlyqqa qatysty qylmys tyıylmaı tur.
Jemqorlardan tárkilengen qarjyǵa 77 mektep salyndy