Memleket basshysy Qasym-Jomart Toqaevtyń el aýmaǵyn geologııalyq zerdeleýdi qazirgi zamanǵy geologııalyq barlaý ádisterimen qamtýdy ulǵaıtý jónindegi tapsyrmalaryn oryndaý sheńberinde Úkimet bıyl jer qoınaýyn zertteýdiń jańa kezeńine kirisedi, dep jazady Egemen.kz.
О́tken jyly 100 myń sharshy shaqyrym jalpy alańda 1:50.000 masshtabty geologııalyq túsirilim júrgizýge 20 joba ázirlengen. Odan keıin jyl saıyn 30 myń sharshy shaqyrym bolatyn eń perspektıvaly ýchaskeler qamtyldy.
Aldaǵy úsh jylda joǵaryda atalǵan 20 jobany júzege asyrý úshin, sondaı-aq az zerttelgen shógindi basseınder aýmaǵynda seısmıkalyq barlaý jumystaryn júrgizýge, qazirgi zamanǵy geologııalyq ınfraqurylymdy qurýǵa 240 mlrd teńge baǵyttaý josparlanyp otyr.
Jer qoınaýy jańa erejemen ıgeriledi
Jobalarǵa jerdi qashyqtyqtan zondtaý derekterin taldaý, aerogeofızıkalyq jáne geohımııalyq zertteýler, dalalyq jumystar kesheni kiredi. Ýchaskeler tizbesin jasaý kezinde qorlardyń sarqylý faktorlary, jer qoınaýyn paıdalanýshylardyń bolmaýy ne eń az sany jáne paıdaly qazbalardyń basym túrleri boıynsha perspektıvalylyǵy eskerildi.
Nátıjesinde mys, altyn, qorǵasyn, myrysh, sırek jer elementteri, barıt, boksıt ken oryndaryn anyqtaý boıynsha áleýeti joǵary alańdar anyqtaldy. Budan bólek, az zerttelgen munaı-gaz perspektıvaly Soltústik Torǵaı, Shý-Sarysý jáne Syrdarııa basseınderinde seısmıkalyq barlaý jumystaryn júrgizý josparlanyp otyr. Sondaı-aq zerthanalyq-taldamalyq bazany jańǵyrtý jáne geologııalyq derekterdi sıfrlandyrý kózdelgen.
Jer qoınaýyn paıdalanýshylar jańa tehnologııalardy qoldana bastady
Osy masshtabta jer qoınaýyn geologııalyq zertteýge kóshý Eýropalyq Odaq, Kanada, Avstralııa, Qytaı elderiniń halyqaralyq tájirıbesine sáıkes kelip, geologııalyq boljamdardyń dáldigin edáýir arttyrýǵa múmkindik beredi. Aımaqtyq kartaǵa egjeı-tegjeıli túsirý perspektıvaly aýmaqtardy anyqtaý, geologııalyq jáne ınvestısııalyq táýekelderdi azaıtý jáne keıinnen geologııalyq barlaý men paıdaly qazbalardy óndirýge jeke ınvestısııalardy tartý úshin bazalyq negiz bolady.