Jylyoı aýdanyndaǵy Shoqpartoǵaı aýylynyń turǵyndary arasynda sýyq sýǵa túsetinder bar. Buryn bul isti Jarylqasyn Baıjanov bastaǵan edi. Endi onyń jolyn Erasyl Qaıyrbaı jalǵastyryp keledi.
Erasyldyń ata-anasy ómirge bes bala ákelip, bárin adaldyq pen qarapaıymdylyqqa tárbıeledi. Otbasyndaǵy ekinshi bala mektepte oqyǵan kezinen kórkemsóz oqýǵa áýes bolyp, birneshe baıqaýdyń júldegeri atandy. Qazaqtyń qaıtalanbas birneshe aqynynyń, ásirese Muqaǵalı Maqataevtyń óleńderin jatqa oqıdy. Akter bolýdy armandaǵanymen, Aqtóbe qalasyndaǵy kolledjde aspaz mamandyǵyn meńgerdi.
Alǵashqy mamandyǵymen japon ashanasynda jeti jyl jumys istedi. Alaıda túrli taǵam daıyndaýmen shektelmeı, marketolog qyzmetine qyzyǵýshylyǵyq tanytty. Búgingi trendten qalmaýdy kózdep, Instagram men TikTok-ta belsendiligimen tanylyp júr.
«Áleýmettik jelini haıp qýý úshin qoldanbaımyn. Degenmen sıfrlyq dáýirde artta qalǵym de kelmeıdi. Bul turǵyda únemi izdený qajet. Ustanatyn basty qaǵıdam – bilim jetildirý, oqý, úırený, alǵa umtylý», deıdi E.Qaıyrbaı.
Osy oraıda salamattylyq qaǵıdasymen densaýlyǵyn shynyqtyrýǵa myqtap den qoıdy. Aldymen aıazdy kúnderi jeńil kıimmen dalaǵa shyqty. Sodan keıin sýyq sýǵa túsýdi bastady.
«Bastapqyda sýyq sýǵa túsý ońaı bolmady. Aldymen denemdi qyzdyryp, jeńil kıimmen 3-5 shaqyrym júgiremin. Sodan soń sýyq sýǵa túsemin. Sýyq sý 1-1,5 mınýtta aǵzaǵa áser ete bastaıdy. Kúsh-qýatyń artady. О́zińdi jeńil sezinesiń. Degenmen, sheshem bul qadamymdy quptamaı, qarsylyq bildirdi, densaýlyǵyma alańdady. Biraq qysqy maýsymda sýyq sýǵa shomylýdan bas tartpadym», deıdi ol.
Qazir Erasyl zaıyby Sábınamen birge egizi – Asylhan men Asyldy tárbıelep otyr. Ulyn ózimen birge ózenge aparyp, sýyq sýǵa túsýge beıimdep júr. Aýyldastary ony «Bizdiń aramyzdaǵy «morj» dep ataıdy.
Atyraý oblysy