Jaqynda Japonııanyń Kıshı temirjol stansasynyń bastyǵy retinde Iontama esimdi mysyq taǵaıyndaldy. Syrt kózge bul úrdis erikkenniń ermegi sekildi kórinetini ras. Biraq bunyń da paıdaly tustary barshylyq eken.
Bizge tańsyq kóringenimen, bul dástúr Japonııada 2006 jyly bastalǵan. Sol ýaqytta temirjol kompanııasy týrısterdi tartý maqsatynda Tama esimdi mysyqty sándep kıindirip, jolaýshylardy qarsy alý mindetin júktegen. Osy bir marketıngtik tásil shaǵyn beketke kelýshiler sanyn kúrt kóbeıtip, jergilikti ekonomıkaǵa 1 mlrd ıennen astam paıda ákelgen. Osylaısha, «Wakayama Electric Railway» kompanııasy qymbat jarnamaǵa júginbeı-aq, kreatıvti qadam arqyly el nazaryn aýdaryp, kiristi arttyrýǵa bolatynyn dáleldedi.