Aqpan aıynda memlekettik merekeler joq. Osyǵan baılanysty demalys kúnderi tek senbi men jeksenbige sáıkes keledi. Qystyń sońǵy aıy eń qysqa ýaqyt. Sondyqtan aqpanda el turǵyndaryn barlyǵy 8 demalys kúni ǵana kútedi, dep jazady Egemen.kz.
Degenmen, aqpanda birqatar kásibı jáne ózge de ataýly kúnder bar. Olar resmı demalys retinde sanalmasa da, sol sala ókilderi arasynda atap ótiletini málim.
Kásibı merekeler tizbesi Eńbek jáne halyqty áleýmettik qorǵaý mınıstriniń mindetin atqarýshynyń 2023 jylǵy 17 qarashadaǵy №480 buıryǵyna sáıkes bekitilgen.
Kásibı jáne ataýly kúnder:
1 aqpan – Qazaqstan Respýblıkasynyń azamattyq avıasııa qyzmetkerleri kúni
2 aqpan – Ulttyq baspasóz kúni
15 aqpan – Keńes áskerleriniń shekteýli kontıngentin Aýǵanstan Demokratııalyq Respýblıkasynan shyǵarý kúni
BUU kúntizbesi boıynsha halyqaralyq kúnder:
4 aqpan – Qaterli isikke qarsy kúres kúni, Adamzattyq baýyrlastyqtyń halyqaralyq kúni
10 aqpan – Dándi-burshaqty daqyldardyń dúnıejúzilik kúni
11 aqpan – Ǵylymdaǵy áıelder men qyzdardyń halyqaralyq kúni
12 aqpan – Qyzyl qol kúni (2002 jyldan beri BUU deńgeıinde soǵysqa tartylǵan balalardy eske alý kúni); Darvın kúni
13 aqpan – Dúnıejúzilik radıo kúni
20 aqpan – Áleýmettik ádilettilik kúni
21 aqpan – Ana tili halyqaralyq kúni
27 aqpan – ÚEU-nyń dúnıejúzilik kúni (úkimettik emes uıymdar kúni)
Osylaısha, aqpan aıynda qosymsha demalys kúnderi qarastyrylmaǵanymen, aı boıy túrli kásibı jáne halyqaralyq merekeler atalyp ótedi.
El turǵyndary 2026 jyly neshe kún demalady?