Túrkistan oblysynda sońǵy 2 aıdyń ishinde áleýmettik azyq-túlik baǵasyn negizsiz ósirgeni úshin saýda oryndaryna qatysty 74 ákimshilik shara qoldanylyp, 481 030 teńge aıyppul salyndy, dep habarlaıdy Egemen.kz.
Oblystyq kásipkerlik jáne saýda basqarmasynyń basshysy Nurjigit Myrzahmetovtiń málimdeýinshe, qazirgi tańda basqarma tarapynan «Túrkistan» áleýmettik-kásipkerlik korporasııasy» AQ-nyń azyq-túlikti turaqtandyrý qory departamentimen birlese tıisti jumystar júrgizilýde. Turaqtandyrý qorynda 22 myń tonna ónim bar. Qajettiligine qaraı qordaǵy taýarlardy naryqqa shyǵaryp, baǵany turaqtandyrý sharalary der kezinde qabyldanyp jatyr. Sonymen qatar qys mezgilindegi maýsymaralyq kezeńde kókónis ónimderine baǵany tejeý úshin 12 340 tonnaǵa forvardtyq kelisimder jasalyp, jeltoqsan aıynan bastap naryqqa shyǵarylýda. О́ńir turǵyndaryn arzandatylǵan azyq-túlik ónimderimen qamtamasyz etý úshin turaqty túrde jármeńkeler ótkizilip keledi. Byltyr 500-ge jýyq jármeńke ótkizilip, 10 myń tonnadan astam ónim tómen baǵada usynyldy.
Shymbulaqqa kóterilý baǵasy qaıta arzandady
Sonymen qatar oblysta 40 zamanaýı áleýmettik dúken qyzmet kórsetýde. Bul dúkenderde áleýmettik azyq-túlik taýarlary naryqtyq baǵadan 30-40% tómen saýdalanyp otyr. Odan bólek, arzandatylǵan áleýmettik azyq-túlik taýarlary 50-den asa iri saýda oryndaryndaǵy áleýmettik buryshtarda satylyp jatyr. Baǵanyń negizsiz ósýin boldyrmaý maqsatynda 20 jumys toby turaqty túrde monıtorıng júrgizýde.
Aıta ketelik, basqarmanyń málimetine qaraǵanda, oblysta áleýmettik mańyzy bar azyq-túlik taýarlaryna baǵa ındeksi turaqty deńgeıde saqtalyp, 2025 jyldyń qortyndysymen 107,2%-dy quraǵan.
QQS ósimi áleýmettik mańyzy bar azyq-túlik baǵasyna áser etti me?
Túrkistan oblysy