Áleýmettik qyzmettiń sapasy mańyzdy

Densaýlyq saqtaý salasy boıyn­sha vedomstvo ókilderi medı­sınalyq qyzmettiń sapasy men alǵashqy medısınalyq kómektiń rólin arttyrýǵa basym­dyq beriletinin atap ótti. Buǵan qosa júıe turaqty­ly­ǵy tek qarjylandyrý men ınfra­qu­rylymǵa ǵana emes, aýrýdyń aldyn alý, erte anyq­taý men ha­lyq­pen ashyq ári tyǵyz baılanys ornatýǵa da tikeleı baılanysty ekeni aıtyldy. Osyndaı keshendi tásil densaýlyq saqtaý júıesine túsetin júktemeni azaıtyp qana qoımaı, azamattardyń medısınalyq uıymdarǵa degen se­nimin arttyrýǵa múmkindik beredi.

«Densaýlyq saqtaý salasy ózara tyǵyz baılanys­ta jumys isteıtin birtutas júıe bolýǵa tıis. Alǵashqy medısı­nalyq kómek, profılaktıka, aýrýlardy erte anyqtaý men kórsetiletin qyzmettiń sapasy bir júıe retinde jumys iste­gende ǵana nátıje bolady. Son­dyqtan óńirdegi bas­shy­lar­dyń jaýapkershiligi men medı­sınalyq uıymdardyń ju­my­syna turaqty baqylaý erekshe mańyzdy», dedi vıse-premer.

Otyrysta áleýmettik saıa­sat­taǵy ózekti máseleler de kóterildi. Bul salada halyqtyń senimi naqty erejeler men tıimdi basqarýǵa tikeleı baılanysty ekeni aıtyldy. Eńbek jáne halyqty áleýmettik qorǵaý vıse-mınıstri Asqarbek Ertaev ataýly áleýmettik qoldaýǵa kóshý men óńirlik tólemderdi birizdendirý máselelerine toq­taldy. О́zgeristerdi engizý barysynda árbir azamatqa jeke túsindirý jumystaryn júrgizý men jergilikti deńgeıde bar­lyq úderisti durys jolǵa qoıý mańyz­dy ekeni sóz boldy. Sebebi adamdar úshin qandaı ózgeris bolyp jatqanyn, onyń sebebi men ózderine qalaı áser etetinin naqty túsiný asa mańyzdy.

Bilim berý salasy boıynsha mektepke deıingi uıymdar­dyń qoljetimdiligi, maman tapshylyǵy men erekshe bilim berý qajettilikteri bar balalardy qoldaý máselelerine basa nazar aýdaryldy. Oqý-aǵartý mınıstrliginiń málimetin­she, 2–6 jas aralyǵyndaǵy balalar­dyń 90,9%-y balabaqshamen qamtylǵanymen, áli de 25 myń­nan astam balaǵa oryn qajet. Aıda Balaeva qazirgi bilim berý tek mektep pen balabaqsha sanyna ǵana emes, oqytý sapasyna, bilikti kadrlarǵa jáne balalarmen jumys isteýdegi zamanaýı tásilderge de baılanysty ekenin atap ótti.

О́ńirdegi kadr daıarlaý men ǵylymdy damytý máselesi de nazar­dan tys qalmady. Ǵylym jáne joǵary bilim mınıstri Saıa­sat Nurbek eńbek naryǵy­na qa­jetti mamandarǵa boljam ja­­saýǵa múmkindik beretin ult­­tyq saýalnama júrgizilip jatqanyn habarlady. Mundaı sharalar kadr saıasatyn naqty jos­parlaýǵa ári joǵary oqý oryn­dary men kolledjderdegi bilim berý baǵdarlamalaryn tehno­logııalyq ózgeristerge saı ýaqty­ly beıimdeýge jol ashady. Bul rette bilim berý júıesi men eń­bek naryǵy birtutas mehanızm retinde jumys isteýge tıis.

Buǵan qosa týrızm men buqaralyq sportty damytý má­seleleri talqylandy. О́tken jylǵy 9 aı qorytyndysy bo­ıynsha óńirde 370 myń týrıstke qyzmet kórsetilgen, jalpy tabys 8 mlrd teńgege jetken. Atalǵan salany odan ári damytýǵa ınfraqurylymdy jetildirý, týrıstik aımaqtardy ár maýsymǵa daıyndaý men demalys oryndaryndaǵy qoǵam­dyq qaýipsizdikti kúsheıtý qajet ekeni aıtyldy.

Kezdesý sońynda Aıda Balaeva vedomstvoaralyq ózara baılanysty kúsheıtip, óńir­lik deńgeıde áleýmettik qyz­metterdiń sapasyn arttyrýdy tapsyrdy. Basym baǵyttardyń qatarynda densaý­lyq saqtaý salasynda profılaktıka sharalaryn kúsheıtý, áleýmettik qoldaý tetikterin naqtylaý, bilim berý júıesin sıfrlandyrý, ekonomıkanyń suranysyna saı kadr daıarlaý, sondaı-aq mádenı orta men buqaralyq sportty damytý ómir sapasyn arttyrýdyń ajyramas bóligi retinde aıqyndaldy.

Qaraǵandy