AQSh-tyń Arktıkadaǵy aralǵa qatysty málimdemeleri aıasynda Germanııa, Shvesııa jáne Norvegııanyń áskerı qyzmetkerleri 15-17 qańtar aralyǵynda barlaý mıssııasy sheńberinde Grenlandııaǵa barady. Jumystyń maqsaty – aımaqta qaýipsizdikti qamtamasyz etý joldaryn zerdeleý. Bul týraly Berlındegi resmı ókilder habarlady, dep jazady Egemen.kz.
DW aqparat agenttiginiń málimetinshe, barlaý mıssııasy Danııanyń shaqyrýymen 15-17 qańtar kúnderi ótedi.
«Barlaý mıssııasy óńirdegi qaýipsizdikti qamtamasyz etý maqsatynda jasalady. Teńizdi baqylaý salasynda Danııany qoldaýǵa baǵyttalǵan áskerılerdiń qatysý múmkindikteri tekseriledi», dep túsindirdi vedomstvo.
Germanııa atynan mıssııaǵa 13 áskerı qyzmetker qatysady. Norvegııa tarapynan eki sarbaz jiberiledi, bul týraly eldiń qorǵanys mınıstri Tore Sendvık málimdedi. Shvesııa premer-mınıstri Ýlf Krısterssonnyń aıtýynsha, Shvesııadan da aralǵa birneshe ofıser attanady.
NATO kúshteri Grenlandııaǵa ornalastyrylýy múmkin
Bild basylymynyń jazýynsha, bul mıssııany Danııa úılestiredi, ıaǵnı operasııa AQSh-tyń kelisiminsiz júrgizilip otyr. Sońǵy kúnderi AQSh bıligi Grenlandııaǵa qatysty aýmaqtyq talaptardy qaıta aıta bastaǵan bolatyn.
Eýropa Tramptyń Grenlandııa týraly sózine qarsy shyqty
Buǵan deıin Danııa parlamentiniń múshesi Kopengagen Grenlandııany tipti ıadrolyq qarý qoldaný qaýpi tónse de bermeıtinin aıtqan edi.
AQSh Grenlandııany basyp alýǵa nıetti me?