Qaraǵandy qalasynda polısııa qyzmetkerleri qoǵamdyq kólikte jasalǵan qalta urlyǵy deregi boıynsha kúdiktini qolǵa túsirdi. Jedel-izdestirý is-sharalary nátıjesinde qylmysqa qatysy bar azamat qysqa ýaqyt ishinde anyqtalǵan, dep jazady Egemen.kz.
Qalanyń Jańa Maıqudyq polısııa bólimine 41 jastaǵy jergilikti turǵyn aryzben júginip, avtobýs ishinde qaltasynan urlyq jasalǵanyn habarlaǵan. Onyń aıtýynsha, jol ústinde aqshasy, bank kartalary jáne jeke qujattary bar ámııany urlanǵan.
Aryz túsken boıda polıseıler jedel áreket etip, kúdiktini anyqtaǵan. Ol 44 jastaǵy azamat bolyp shyqty. Jeke tintý barysynda odan urlanǵan ámııan ishindegi barlyq zattarymen birge tabylyp, aıǵaq zat retinde tárkilendi.
Almatyda qalta urylarynyń kúndelikti tabysy shamamen mıllıon teńgeden asqan
Atalǵan derek boıynsha bótenniń múlkin urlaý faktisimen qylmystyq is qozǵaldy. Qazirgi ýaqytta tártip saqshylary ustalǵan azamattyń qala jáne oblys aýmaǵynda buǵan deıin jasalǵan ózge de osyǵan uqsas qylmystarǵa qatystylyǵyn tekserip jatyr.
Almaty avtobýstarynda qalta urylary ustaldy