«AMANAT» partııasy Ulytaý oblystyq fılıalynyń Partııalyq baqylaý komıssııasy men partııa fılıaly janyndaǵy «Miras» azamattyq qoǵam men mádenıetti damytý jónindegi aımaqtyq keńestiń birlesken kóshpeli otyrysy ótti, dep habarlaıdy Egemen.kz.
Kóshpeli otyrys barysynda «AMANAT» partııasynyń «Halyqpen birge!» saılaýaldy baǵdarlamasyn iske asyrý jónindegi 2023-2027 jyldarǵa arnalǵan Ulytaý oblysynyń Jol kartasy aıasynda «Jezqazǵan qalalyq Halyqtar dostyǵy men Mádenıet úıi» ǵımaratyna júrgizilip jatqan kúrdeli jóndeý jumystaryna partııalyq baqylaý júrgizildi.
Is-sharaǵa Partııalyq baqylaý komıssııasynyń tóraǵasy, oblystyq máslıhat depýtaty Erjan Toqymbaev, «Miras» keńesiniń tóraǵasy, oblystyq máslıhat depýtaty Doshan Sáken jáne keńes músheleri qatysyp, nysanda atqarylyp jatqan jumystarmen tanysyp, merdiger kompanııa ókilderiniń esebin tyńdady.
Sondaı-aq Jezqazǵan qalasy ákiminiń orynbasary Berik Áben mádenıet nysanynda atqarylyp jatqan jumystar jóninde aqparat berdi.
Ulytaý oblysynda jańa sport kesheni paıdalanýǵa berildi
Memlekettik satyp alý konkýrsynyń qorytyndysy boıynsha «Eńbek» jaýapkershiligi shekteýli seriktestigi jeńimpaz bolyp tanylyp, jalpy quny 1 030 mıllıon teńgeni quraıtyn ótpeli kelisimshart jasaldy.
О́tken jyly kúrdeli jóndeý jumystaryn júzege asyrý úshin jergilikti bıýdjetten 300 mıllıon teńge bólindi.
2026 jylǵa jergilikti bıýdjetten 730 mıllıon teńge qarajat qarastyrylǵan.
Búgingi kúnge deıin «Halyqtar dostyǵy men Mádenıeti úıi» ǵımaratynda kúrdeli jóndeý jumysy aıasynda birqatar jumys atqaryldy. Atap aıtqanda, demontaj jáne sylaq jumystary júrgizilip, edenderge beton quıyldy. Sonymen qatar elektr júıeleri jańartylyp, ǵımarattyń terezeleri men jylý radıatorlary aýystyryldy. Sý jelileri, jylý jáne káriz júıeleri tartylyp, jeldetý júıesi ornatyldy.
Ǵımarattyń kúrdeli jóndeý jumysy jaz aıyna deıin aıaqtalady dep josparlanyp otyr.
Ulytaý oblysynda «Zań men tártip» qaǵıdaty aıasynda semınar ótti